ڈائریکٹر جنرل سری لنکن کوسٹ گارڈز نے کراچی میں پاکستان میری ٹائم سکیورٹی ایجنسی کے ہیڈ کواٹرز کا دورہ کیا،دورے کا مقصد دوطرفہ میری ٹائم تعاون کو بڑھانا ہے۔
ترجمان پی ایم ایس اے کے مطابق ڈی جی سری لنکن کوسٹ گارڈز ریئر ایڈمرل پوجیتھا وتھانا پاکستان میری ٹائم سیکیورٹی ایجنسی کے سرکاری دورے پر پاکستان آئے۔
معزز مہمان نے پاکستان میری ٹائم سیکیورٹی ایجنسی ہیڈکوارٹر کا دورہ کیا جہاں انہیں پاکستان میری ٹائم سیکیورٹی ایجنسی کے کردار پر بریفنگ دی گئی۔
ان کی آمد پرگارڈ آف آنر پیش کیا گیا، معزز مہمان نے یادگار شہدا پر پھولوں کی چادر چڑھائی، ڈائریکٹر جنرل پاکستان میری ٹائم سیکیورٹی ایجنسی سے ملاقات کی اور باہمی دلچسپی کے امور پر تبادلہ خیال کیا۔ دورے کا مقصد دونوں میری ٹائم ایجنسیوں کے درمیان دوطرفہ تعاون کو بڑھانا ہے۔