دریائے جمنا بپھر گیا، دہلی کا لال قلعہ اور راج گھاٹ پانی سے بھر گئے، وزیروں کے گھروں میں بھی پانی داخل

دہلی میں دریائے جمنا کے پانی کی سطح بڑھنے کی وجہ سے کئی علاقوں میں حالات خراب ہو گئے ہیں۔ سیلابی پانی رہائشی علاقوں سے وی وی آئی پی علاقوں میں داخل ہوگیا ہے۔ وزیراعلیٰ کی رہائش گاہ، وزراء کی رہائش گاہیں اور سیکرٹریٹ بھی سیلابی پانی کی زد میں آگیا ہے۔ وزیراعلیٰ نے مدد کے لیے فوج طلب کر لی ہے۔

#WATCH | Flooding situation in Yamuna Bazar area of Delhi continues to remain grim. pic.twitter.com/KUe4IRH5kz

— ANI (@ANI) July 14, 2023

سیلابی پانی راج گھاٹ میں داخل ہوگیا ہے جو مقبرے تک پہنچ گیا ہے۔ ساتھ ہی سڑکوں پر پانی جمع ہونے سے ٹریفک بری طرح متاثر ہو رہی ہے۔ ہریانہ کے ہتھینی بیراج سے چھوڑے جانے والے پانی اور گذشتہ کچھ دنوں میں ہونے والی موسلا دھار بارش کی وجہ سے دریائے جمنا کے پانی کی سطح خطرے کے نشان سے اوپر پہنچ گئی ہے۔

دہلی کے تمام علاقوں میں ٹرفک کنٹرول کے لیے  4500 پولیس اہلکار تعینات کر دیئے گئے ہیں۔ شہر کے مختلف علاقوں میں پانی بھر جانے اور سیلاب کے باعث ٹریفک کا رخ موڑ دیا گیا ہے۔

#WATCH | Flood situation in Delhi: Waterlogging continues near Rajghat due to rise in water level in Yamuna river following heavy rains. pic.twitter.com/SPoYGtIhBi

— ANI (@ANI) July 14, 2023

دہلی کے وزیر آتشی نے کہا، "اچھی خبر یہ ہے کہ پانی کی سطح میں اضافہ نہیں ہو رہا ہے، یہ کل دوپہر 1 بجے سے شام 7 بجے تک مستحکم تھا اور اب یہ بہت آہستہ آہستہ کم ہو رہا ہے۔” لیکن یہ 0.1 میٹر کی شرح سے کم ہو رہا ہے۔ اس لیے پانی کم ہونے میں ایک دن لگے گا۔ علاقوں میں پانی داخل ہو رہا ہے۔ کیونکہ تمام نالے بھرے ہوئے ہیں اور یہ بیک فلو ہے، جس سے علاقے زیر آب آ رہے ہیں۔ پمپنگ اب ممکن نہیں ہے کیونکہ پانی کو جمنا میں ہی جانا ہوگا اور اس کے پانی کی سطح پہلے ہی بلند ہے۔ یہ مشکل کسی شخص یا صورتحال کی وجہ سے نہیں بلکہ شمالی ہندوستان میں مسلسل موسلادھار بارش کی وجہ سے ہے۔ اچھی بات یہ ہے کہ پانی آہستہ آہستہ کم ہو رہا ہے۔

دہلی میں یمنا ندی کے پانی کی سطح بڑھنے سے آئی ٹی او روڈ پر بہت زیادہ پانی جمع ہوگیا ہے جس کی وجہ سے ٹریفک سے عوام کو کافی پریشانی کا سامنا کرنا پڑ رہا ہے۔

لال قلعہ کا علاقہ بھی مکمل پانی میں ڈوبا ہوا ہے،اور لال قلعہ کے گرد پانی کی وجہ سے بند ہو جانے والی گاڑیں کھڑی ہیں۔پانی میں کھڑی ان گاڑیوں کی صرف چھتیں دکھائی دے رہی ہیں اور وہ پانی میں مکمل ڈوبی ہوئی ہیں۔