حکومت نے شوگر ملز کو ڈیڑھ لاکھ میٹرک ٹن چینی ایکسپورٹ کرنے کی اجازت دے دی

وفاقی وزیر صنعت و پیداوار رانا تنویر حسین کی زیر صدارت شوگر ایڈوائزری بورڈ کا اجلاس ہوا،حکومت نے ڈیڑھ لاکھ میٹرک ٹرن چینی برآمد کرنے کی مشروط اجازت دیدی،،حکومت اور پاکستان شوگر ملز ایسوسی ایشن کے درمیان معاہدے پر دستخط ہو گئے۔

وفاقی وزیر صنعت و پیداوار رانا تنویر حسین کا کہنا ہے کہ چینی کے اسٹاک کی دستیابی اور قیمتوں میں استحکام کو یقینی بنایا جائےگا،ایکس ملز چینی کی قیمت میں کسی صورت اضافہ نہیں کیا جائے گا۔

رانا تنویر حسین نے کہا کہ کاشتکاروں کی تمام زیر التواء ادائیگیاں ترجیحی بنیادوں پر ادا کی جائیں گی،شوگر ایڈوائزری بورڈ چینی کی قیمتوں اور مارکیٹ کے استحکام کا پندرہ روزہ میں دوبارہ جائزہ لے گا۔

رانا تنویر حسین نے کہا کہ مستقبل میں چینی کی برآمد کا آپشن ملک میں قیمتوں کے استحکام اور اسٹاک کی دستیابی سے منسلک ہوگا۔