مستونگ میں سکیورٹی فورسز کا آپریشن، ڈپٹی کمشنر کے قتل میں ملوث بی ایل اے کے 3 دہشتگرد ہلاک

مستونگ میں سکیورٹی فورسز نے انٹیلی جنس اطلاعات پر آپریشن کیا، آئی ایس پی آر کے مطابق فائرنگ کے تبادلے میں بی ایل اے کے 3 دہشتگرد ہلاک کر دیے گئے۔ مارے گئے دہشتگرد ڈپٹی کمشنر پنجگور ذاکر علی کی شہادت میں ملوث تھے۔

آئی ایس پی آر کا کہنا ہے کہ مستونگ میں سیکیورٹی فورسز نے انٹیلی جنس اطلاعات پر آپریشن کیا،فائرنگ کے تبادلے میں بی ایل اے کے 3 دہشتگرد ہلاک کر دیے گئے۔آپریشن کے دوران 3 دہشتگرد زخمی ہو ئے۔

آئی ایس پی آر کے مطابق مارے گئے دہشتگرد ڈپٹی کمشنر پنجگور ذاکر علی کی شہادت میں ملوث تھے،مارے گئے دہشتگردی علاقے میں دہشتگردی کی کئی کارروائیوں میں بھی ملوث تھے۔

آئی ایس پی آر کا کہنا ہے کہ آپریشن سے ڈپٹی کمشنر کے قتل کے گھنائونے فعل کا بدلہ لیا ہے،مجرموں کو انصاف کے کٹہرے میں لایا گیا ہے۔

آئی ایس پی آر نے کہا کہ سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔