پولیس نے عارف علوی کو محمودالرشید سے ملنے سے روک دیا

پولیس نے سابق صدر عارف علوی کو سروسز ہسپتال میں زیر علاج محمود الرشید کہ عیادت سے روک دیا۔ذرائع اسپتال انتظامیہ کا کہنا ہے سابق صدر عارف علوی کو ڈیوٹی پر موجود ایس ایچ او نے روکا۔

ڈیوٹی پر موجود پولیس افسر نے سابق صدر سے کہا کہ آپ کے پاس کوئی اجازت نامہ ہے تو آپ مل سکتے ہیں۔

عارف علوی نے کہا کہ میں اخلاقی طور پر محمود الرشید کی عیادت کرنے آیا ہوں،عیادت کے اجازت نامے کا کسی نے نہیں بتایا۔

پولیس افسر نے کہا کہ وہ جوڈیشل کسٹڈی میں ہیں آپ بغیر اجازت نہیں مل سکتے۔

سابق صدر عارف علوی اور اعظم سواتی اجازت نہ ملنے پر سروسز ہسپتال سے روانہ ہوگئے،پی ٹی آئی کے زیر حراست رہنما محمود الرشید اپینڈیکس کی تکلیف کے باعث اسپتال میں داخل ہیں۔