خدیجہ شاہ، عالیہ حمزہ، صنم جاوید اور دیگر کے ریمانڈ میں 14 دن کی توسیع

جناح ہاؤس حملہ اور جلاؤ گھیراؤ کے مقدمہ میں عدالت نے خدیجہ شاہ اور دیگر کے جوڈیشل ریمانڈ 14دن کی توسیع کر دی۔

انسداد دہشت گردی عدالت  لاہور کے جج اعجاز احمد بٹر  نے سماعت  کی، خدیجہ شاہ ، عالیہ حمزہ ، صنم جاوید،طیبہ راجہ اور افشان طارق سمیت دیگر کو عدالت میں پیش کیا گیا

تفتیشی افسر  نے خواتین ملزمان کے جوڈیشل ریمانڈ میں توسیع کی استدعا کی اور کہا کہ مقدمہ کا چالان کی تیاری کے مرحلہ میں ہے  مہلت دی جائے۔

عدالت نے خواتین کو 9 ستمبر کو دوبارہ پیش کرنے کا حکم دیا۔

ملزمان کے خلاف تھانہ سرور روڑ پولیس نے مقدمہ درج ہے، ان پر جناح ہاؤس حملہ اور جلاؤ گھیراؤ کا الزام ہے۔