19 ویں ایشن گیمز، قومی ویمن کرکٹ ٹیم کے اسکواڈ کا اعلان، ندا ڈار کپتان

چائنہ میں ہونے والی 19ویں ایشین گیمز کے لیے پاکستان ویمن کرکٹ ٹیم کا اعلان کر دیا گیا،15 رکنی اسکواڈ میں کپتان ندا ڈار، عالیہ ریاض، انوشے ناصر، ڈیانا بیگ، فاطمہ ثناء، منیبہ علی، ناجیہ علوی، نشرہ سندھو، نتالیہ پرویز، عمیمہ سہیل، صدف شمس، شوال ذوالفقار، سدرہ امین، عروب شاہ اور ام ہانی شامل ہیں۔

🚨 Here’s our 15-player squad for the 19th #AsianGames Hangzhou 2022! 🚨

Read more: https://t.co/b7jrofscuJ#BackOurGirls pic.twitter.com/F7boao0ebK

— Pakistan Cricket (@TheRealPCB) July 25, 2023

قومی وومن ٹیم کی سابقہ کپتان بسمہ معروف کو اسکواڈ میں شامل نہیں کیا گیا، پاکستان کرکٹ بورڈ کا کہنا ہے کہ بسمہ معروف ایشین گیمز کے قواعد کے تحت اپنے بچوں کو کھلاڑیوں کے ساتھ رکھنے کی اجازت نہ ہونے کی وجہ سے اسکواڈ میں شامل نہیں۔

ایشین گیمز سے قبل پاکستان ویمن ٹیم جنوبی افریقا کے خلاف یکم سے 14 ستمبر تک سیریز کھیلے گی۔

انوشے ناصر اور شوال ذوالفقار کو ٹیم میں شامل کیا گیا ہے جب کہ ڈیانا بیگ کی ٹیم میں واپسی ہوئی ہے۔

واضح رہے کہ پاکستان کی ویمنز ٹیم 2010  میں چین میں ہونے والے ایشین گیمز اور 2014 میں جنوبی کوریا میں ہونے والے ایشین گیمز کے کرکٹ مقابلوں میں گولڈ میڈل جیت چکی ہے اور اس کی نظریں اب ہیٹ ٹرک مکمل کرنے پر مرکوز ہیں۔