خواتین کی تصاویر ایڈٹ کر کے سوشل میڈیا پر شیئر کرنے والے 2 ملزم گرفتار

سائبر کرائم سرکل حیدرآباد نےخواتین کی قابل اعتراض تصاویر شئیر کرنے میں ملوث 2 ملزمان کو گرفتار کرلیا۔

ترجمان ایف آئی اے کے مطابق سائبر کرائم سرکل حیدرآباد نےسرکل انچارج سائبر کرائم سرکل حیدرآباد فصیح الرحمان کی زیرنگرانی چھاپہ مار کاروائیاں کیں،جس کے دوران خواتین کی قابل اعتراض تصاویر شئیر کرنے میں ملوث 2 ملزمان کو گرفتار کرلیا گیا۔

گرفتار ملزمان میں جان محمد اور عزیر حیدر شامل ہیں،جنھیں حیدرآباد اور دادو سے گرفتار کیا گیا،ملزمان نے شکایت کنندگان کی قابل اعتراض تصاویر سوشل میڈیا پر وائرل کیں،اورقابل اعتراض مواد اپلوڈ کرنے کےلئے جعلی اکاونٹس بنا رکھے تھے۔

ملزمان متاثرین کی تصاویر ایڈیٹ کر کے سوشل میڈیا پر وائرل کرتے تھے،ملزمان کی گرفتاری کے لئے تمام تر تکنیکی وسائل کو بروئے کار لایا گیا۔

متعلقہ حکام سے ان کی تفصیلات حاصل کر کے گرفتاری عمل میں لائی گئی، ملزمان کے زیر استعمال موبائل فونز کو قبضے میں لے لیا گیا،انھیں گرفتاری کے بعد مزید تفتیش کا آغاز کر دیا گیا