2 ارب کی نادہندہ پی آئی اے کے اکاؤنٹس منجمد کر دیئے گئے

ایف بی آر نے قومی ائیرلائن کے اکاونٹس دوبارہ منجمد کردئیے۔

ذرائع کے مطابق پی آئی اے انتظامیہ نے ایف بی آرکو اگست کے مہینے میں 2ارب روپے ادائیگی کا وعدہ کیا تھا،جس پرعمل درآمد نہ ہونے کے سبب قومی ائیرلائن کے اکاونٹس منجمد کئےگئے۔

فیڈرل ایکسائز ڈیوٹی کی مد میں پی آئی اے کو8ارب روپے اداکرنے ہیں،ذرائع کے مطابق پی آئی اے انتظامیہ الگ اکاونٹ کھول کرفیڈرل ایکسائز ڈیوٹی کی رقم کا غلط استعمال کیا۔

اس وقت پی آئی اے کے 26اکاونٹس منجمد ہیں،ترجمان پی آئی اے عبداللہ خان کے مطابق کراچی۔ اکاؤنٹ منجمند ہونے سے پی آئی اے کا فلائٹ آپریشن متاثر نہیں ہوگا، کراچی۔ حکومتی سطح پر رابطہ ہے،پی آئی اے کے بند اکاؤنٹس جلد بحال ہو جائیں گے۔