مچھ میں تین دن کے کلیئرنس آپریشن کے بعد 24 دہشتگرد ہلاک

پاک فوج کے شعبہ تعلقات عامہ ( آئی ایس پی آر) نے 29 اور 30 جنوری کی درمیانی شب بلوچستان کے علاقے مچھ اور کولپور میں دہشتگردوں کے حملے اور سکیورٹی فورسز کے آپریشن کی مزید تفصیلات جاری کردیں۔

آئی آیس پی آر  کے مطابق سیکورٹی پر تعینات قانون نافذ کرنے والے اداروں نے سخت مزاحمت کی اور حملہ آوروں کو پسپا ہونے پر مجبور کیا۔ ان دہشت گردوں کو اس کے بعد آنے والے سینیٹائزیشن اور کلیئرنس آپریشنز میں تلاش کیا گیا تھا جو اب علاقے کو کلیئر اور محفوظ بنانے کے بعد مکمل کیا گیا ہے۔

کلیئرنس آپریشنز کے دوران، پچھلے تین دنوں میں، چوبیس دہشت گردوں کو جہنم  واصل کیا گیا۔ ہلاک ہونے والوں میں دہشت گرد شہزاد بلوچ، عطا اللہ، صلاح الدین، عبدالودود اور ذیشان کی شناخت ہوئی۔ باقی دہشت گردوں کی شناخت کا عمل جاری ہے۔

آئی آیس پی آر کے مطابق تاہم فائرنگ کے شدید تبادلے کے دوران قانون نافذ کرنے والے اداروں کے چار بہادرشہید ہوئے،ارکان نے بہادری سے لڑتے ہوئے دو معصوم شہریوں کے ساتھ شہادت کو گلے لگا لیا۔

آئی ایس پی آر کا کہنا ہے کہ قانون نافذ کرنے والے اداروں کا موثر جواب دہشت گردی کے خلاف جنگ میں ان کے بے لوث عزم کا ثبوت ہے،پاکستان کی سیکیورٹی فورسز ملک میں امن و استحکام کو یقینی بنانے کے لیے قانون نافذ کرنے والے دیگر اداروں کے ساتھ کندھے سے کندھا ملا کر کھڑی ہیں۔