کوسٹل ہائی وے پسنی کے قریب سمگلنگ کے لیے چھپائی گئی 45 کلو چرس برآمد

اے این ایف کا منشیات اسمگلنگ کے خلاف کاروائیوں کا سلسلہ جاری ہے، پانچ کاروائیوں کے دوران 49 کلو گرام سے زائد منشیات برآمد، 4 ملزمان گرفتار کرلیے گئے۔

ترجمان اے این ایف کےمطابق پاسپورٹ آفس کراچی کے قریب اسلام آباد کے رہائشی ملزم سے 185 عدد نشہ آور(ایکسٹیسی) گولیاں برآمد کرلی گئیں۔

کوسٹل ہائی وے پسنی کے قریب غیر آباد علاقے میں اسمگلنگ کے لئے چھپائی گئی 45 کلو چرس تحویل میں لی گئی،چکلالہ گیریژن راولپنڈی میں واقع کوریئر آفس میں برطانیہ سے بھیجے جانے والے پارسل سے 38 گرام ویڈ برآمد کی گئی۔

میانوالی میں کاروائی کرتے ہوئے موٹر سائیکل سے 2 کلو 734 گرام ہیروئن قبضے میں لے کردورانِ کاروائی میانوالی کا رہائشی مُلزم گرفتار کیا گیا۔

ایم 2 راوی ٹول پلازہ لاہور کے قریب گاڑی میں چھپائی گئی 2 کلو چرس برآمد کرکے دورانِ کاروائی خیبر کے رہائشی دو ملزمان گرفتار کرلیا گیا۔

ملزمان کے خلاف انسدادِمنشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔