تربت میں 6 پنجابی مزدور سوتے میں قتل، دو زخمی

تربت میں پنجاب سے تعلق رکھنے والے چھ مزدوروں کو نامعلوم مسلح افراد نے مقامی ٹھیکیدار کے گھر میں گھس کر قتل کردیا فائرنگ سے دو مزدور زخمی بھی ہوئے ہیں۔

تربت کے علاقے کیچ میں واقع سٹیلائٹ ٹاون میں ایک مقامی ٹھیکیدار نصیر کے گھر میں گھس کر  نامعلوم مسلح افراد نے سوئے ہوئے مزدوروں پر اندھا دھند  فائرنگ کردی جسکے نتیجے میں چھ مزدور موقع پر جاں بحق ہوگئے جبکہ دو زخمی ہوئے۔

اطلاع ملنے پر پولیس جائے وقوعہ پہ پہنچ گئ نعشوں اور زخمیوں کو اسپتال منتقل کردیا گیاہے پولیس کے مطابق مزدور مقامی ٹھیکیدار کے ہاں تعمیراتی کام کے لیے تربت آئے تھے اور ان کا تعلق پنجاب سے بتایا جارہاہے۔

جاں بحق ہونے والے مزدوروں کی شناخت شہباز، وسیم، شفیق احمد، محمد نعیم، سکندر کے نام سے ہوئی، جبکہ غلام مصطفیٰ اور توحید زخمی ہیں۔

پولیس نے ابتدائ رپورٹ مرتب کرکے نامعلوم ملزمان کی تلاش شروع کردی ہے۔