تھانہ کھاریاں میں توڑ پھوڑ کرنے والے 9 خواجہ سرا گرفتار، 14 روزہ جوڈیشل ریمانڈ پر جیل بھجوادیا گیا

گجرات کے تھانہ صدر کھاریاں میں خواجہ سراؤں کے احتجاج اور توڑ پھوڑ پر مقدمہ میں نامزد 9 خواجہ سرا گرفتار کر لیےگئے، 14 روزہ جوڈیشل ریمانڈ پر جیل بجھوا دیا گیا۔

توڑ پھوڑ اور قانون ہاتھ میں لینے پر خواجہ سراؤں کے خلاف گذشتہ روز مقدمہ درج کیا گیا تھا ۔ سی سی ٹی وی فوٹیجز کے مصدقہ تجزیہ کے بعد مقدمہ میں ملوث ملزمان کی گرفتاری عمل میں لائی گئی۔

ڈی پی او گجرات سید اسد مظفر نے کہا کہ توڑ پھوڑ اور قانون ہاتھ میں لینے پر خواجہ سراؤں کے خلاف گذشتہ روز مقدمہ درج کیا گیا تھا۔ واقعہ میں ملوث دیگر ملزمان کی شناخت اور گرفتاری کیلئے کوششیں جاری ہیں۔

ڈی پی او گجرات کا کہنا ہے کہ واقعہ کی تمام پہلوؤں سے تفتیش جاری ، قانون و انصاف کے تقاضے پورے کئے جائیں گے۔