ڈی سی لاہور کا لٹن روڈ کلینک پر چھاپہ، ڈاکٹر، عملہ غائب، شوکاز نوٹس جاری

پنجاب بھر میں صحت کی سہولیات کو بہتر بنانے کی وزیر اعلیٰ پنجاب کی ہدایت پر ڈی سی لاہور گزشتہ روز فلٹر کلینک لٹن روڈ کا اچانک دورہ کیا۔

ڈپٹی کمشنر کو یہ دیکھ کر شدید حیرت ہوئی کہ کلینک میں ڈاکٹر اورعملہ دونوں غائب تھے ۔ جس پر انہوں نے عملہ کو نا صرف وارننگ لیٹر جاری کیا بلکہ شوکاز نوٹسز بھی جاری کروائے کہ جواب دیا جائے کہ وہ کلینک میں موجود کیوں نہیں تھے۔

کلینک میں ادویات کی خراب حالت، صفائی کے ناقص انتظامات اور ریکارڈ میں بے ضابطگیوں کا بھی نوٹس لیا گیا۔

اس موقع پر رافعہ حیدرکا کہنا تھا کہ اب ایسا نہیں چلے گا تمام صحت مراکز کا دورہ کیا جائے گا اور لوگوں کو بہترین سہولیات فراہم کروائی جائیں گی۔