بھارت کا معاندانہ رویہ ایشیا کپ پر حاوی، کھیل کو لائن آف کنٹرول نہ بنائیں، تجزیہ کار

جب پاکستان نے آخری بار 2008 میں ایشیا کپ کی میزبانی کی تھی، عمران خان سیاست میں نوخیز تھے، نریندر مودی پر اس وقت تک امریکا کے سفر پر پابندی تھی، ہندوستان کی کرکٹ ٹیم پانچ سالوں میں ملک کا تیسرا دورہ کر رہی تھی اور پورا ٹورنامنٹ پاکستانی سرزمین پر کھیلا گیا۔

یہ آخری موقع تھا جب کسی ہندوستانی کرکٹ ٹیم نے پاکستان میں قدم رکھا تھا۔

ریجنل کرکٹ ٹورنامنٹ کے 16ویں ایڈیشن کا افتتاحی میچ بدھ کو ملتان کرکٹ اسٹیڈیم میں پاکستان اور نیپال کے درمیان ہوگا، میزبان ملک میں یہ ایشیا کپ کے 13 میں سے صرف چار میچوں میں سے پہلا میچ ہوگا۔

پاکستان کرکٹ بورڈ (پی سی بی) کے کچھ عہدیداروں کا کہنا ہے کہ پاکستان کو درپیش رکاوٹوں کے پیش نظرٹورنامنٹ کے پہلے مرحلے میں تین اور دوسرے میں ایک میچ کی میزبانی بھی کسی معجزے سے کم نہیں۔

ایشین کرکٹ کونسل (اے سی سی) نے پاکستان کو 2021 میں ایشیا کپ کی میزبانی کے حقوق سے نوازا تھا۔ یہ برسوں بعد پاکستان کی میزبانی میں پہلا بڑا کثیر جہتی ٹورنامنٹ ہوتا اگر بھارت رکاوٹیں نہ ڈالتا۔

پی سی بی کو ایک جھٹکا لگا جب میزبانی ملنے کے ٹھیک ایک سال بعد، بورڈ آف کنٹرول فار کرکٹ ان انڈیا (بی سی سی آئی) کے سیکریٹری اور اے سی سی کے صدر جے شاہ نے کہا کہ دونوں ملکوں کے درمیان سیاسی تناؤ کے دوران ہندوستان ٹورنامنٹ کے لیے پاکستان کا سفر نہیں کرے گا۔”

شاہ، جو ہندوستان کے وزیر داخلہ اور ہندو قوم پرست وزیر اعظم مودی کے اہم اتحادی امیت شاہ کے بیٹے بھی ہیں، نے کہا کہ ٹورنامنٹ کو “غیر جانبدار مقام” پر کھیلا جائے گا۔

ٹورنامنٹ کے بائیکاٹ کی دھمکی سے لے کر ہائبرڈ ماڈل کے لیے مختلف آپشنز تک، پاکستان نے کئی ردعمل دیئے۔

بالآخر، جون میں، ٹورنامنٹ کے موجودہ ماڈل پر تمام رکن ممالک نے اتفاق کیا: ایک میچ ملتان اور تین لاہور میں کھیلے جانے ہیں، اور باقی سری لنکا کی میزبانی میں ہونے ہیں بشمول کم از کم ایک میچ پاکستان اور بھارت اور ممکنہ طور پر زیادہ سے زیادہ تین، جو نتائج پر منحصر ہے۔

پاکستان نے اکتوبر میں بھارت کی میزبانی میں ہونے والے کرکٹ ورلڈ کپ کے بائیکاٹ پر بھی غور کیا تاہم رواں ماہ پاکستان کی حکومت نے ٹیم کو ٹورنامنٹ میں شرکت کی اجازت دے دی۔

بہت سے مبصرین کے نزدیک، بھارت کو راضی کرنے کے لیے پاکستان سے میزبانی کے زیادہ تر حقوق چھیننے کا فیصلہ، بھارت کے کرکٹ بورڈ کے اثر و رسوخ کی ایک اور مثال تھی، جو کہ بلاشبہ ملک کی اربوں سے زائد آبادی اور کرکٹ کی بے پناہ آمدن کی بدولت عالمی کرکٹ میں سب سے زیادہ طاقتور ہے۔

کراچی سے تعلق رکھنے والے تجزیہ کار اور کرکٹ مصنف سعد شفقت کا خیال ہے کہ پاکستان کے خلاف “بھارتی دشمنی” اس صورتحال کی ذمہ دار ہے۔

بھارتی بورڈ اکثر دو طرفہ کھیلوں میں ہمارے خلاف کھیلنے سے انکار کرتا ہے۔ وہ انڈین پریمیئر لیگ [آئی پی ایل] میں ہمارے کھلاڑیوں کو شامل نہیں کرتے ہیں، وہ یہ کرنے کے قابل ہیں کیونکہ ان کے پاس کرکٹ کی سب سے بڑی مارکیٹ ہے، اور وہ عالمی سطح پر شرائط طے کرتے ہیں۔ کوئی بھی ان کے خلاف نہیں جانا چاہتا۔

ٹورنامنٹ کی میزبانی کی کوششوں کے بارے میں براہ راست علم رکھنے والے پی سی بی کے ایک ذریعے نے قطر کے میڈیا ہؤس سے بات کرتے ہوئے کہا کہ پی سی بی نےآئی سی سی کے دیگر ممالک کو اس بات پر قائل کرنے کے لیے “ناقابل یقین” سفارتی کوششیں کی ہیں کہ پاکستان اپنی سرزمین پر چار کھیلوں کے ساتھ ہائبرڈ ماڈل بھی حاصل کر سکتا ہے۔انٹرنیشنل کرکٹ کونسل کے ساتھ ساتھ اے سی سی ممالک پر ہندوستان کے اثر و رسوخ کو دیکھتے ہوئے، میں سوچ بھی نہیں سکتا کہ اے سی سی کا کوئی بھی ملک، ہمارے علاوہ، بی سی سی آئی کا مقابلہ کرنے کے قابل ہو۔ کوئی بھی بھارت کی مخالفت کا متحمل نہیں ہو سکتا۔

کرکٹ پر ہندوستان کا غلبہ ان کے ٹی 20 ٹورنامنٹ، آئی پی ایل کی کامیابی کے بعد ٹربو چارج ہو گیا، جو 2008 میں شروع ہونے کے بعد سے دنیا کے سب سے زیادہ منافع بخش کھیلوں کے ٹورنامنٹ میں سے ایک بن گیا ہے۔ یہ وہ سال تھا جب ممبئی حملے ہوئے تھے، جس کے بعد بھارت نے پاکستان میں کھیلنے سے انکار کر دیا۔

کھیل کے مختصر ترین فارمیٹ میں بڑی کامیابی حاصل کرنے کے باوجود، پاکستانی کھلاڑیوں نے صرف 2008 میں ٹورنامنٹ کے افتتاحی ایڈیشن میں حصہ لیا تھا اور اس کے بعد سے ان سے کنارہ کشی اختیار کی گئی تھی – حالانکہ بی سی سی آئی اور آئی پی ایل کے حکام نے کبھی بھی اس بات کو تسلیم نہیں کیا ہے کہ پاکستانی کرکٹرز پر سرکاری یا غیر سرکاری پابندی عائد کی گئی ہے۔

تجربہ کار کرکٹ تجزیہ کار اور مصنف شاردا اوگرا نے کہا کہ پاکستان کے بارے میں بی سی سی آئی کا جو موقف ہے اس سے اس کی “چھوٹی ذہنیت” کی عکاسی ہوتی ہے اور شاہ بی سی سی آئی کے سیکرٹری اور اے سی سی کے صدر دونوں ہی مفادات کا ٹکراؤ ہے۔

“بنگلور میں مقیم تجزیہ کار نے کہا کہ بھارتی کرکٹ بورڈ پاکستان کو صرف اس لیے نقصان پہنچا رہا ہے کہ وہ ایسا کر سکتا ہے۔ 90 کی دہائی میں، ایشیائی ممالک ایک بلاک تھے اور انہوں نے ایک متحدہ محاذ بنایا، لیکن بدقسمتی سے اب حالات بدل چکے ہیں۔ یہ غنڈہ گردی کا ایک کلاسک حربہ ہے۔

پاکستان کے سابق کپتان راشد لطیف نے کہا کہ پی سی بی کو بی سی سی آئی کے ملک میں کھیلنے سے انکار کے لیے تیار رہنا چاہیے تھا – کیونکہ انہوں نے واضح کر دیا ہے کہ ہندوستان صرف ان مقابلوں میں پاکستان میں کھیلے گا جو انٹرنیشنل کرکٹ کونسل (آئی سی سی) کے زیر انتظام ہیں، جو کھیل کی عالمی گورننگ باڈی ہے۔ .

“سابق وکٹ کیپر کپتان نے کہا کہ ہم سب جانتے تھے کہ ہندوستان اس ٹورنامنٹ کے لیے سفر نہیں کرے گا۔ تاہم، پاکستان کے ساتھ 2025 میں آئی سی سی ٹورنامنٹ چیمپیئنز ٹرافی کی میزبانی کرنا ہے، آپ انہیں یہاں سفر کرتے ہوئے دیکھیں گے،”

لطیف نے مزید کہا کہ، کھیلنے کے لیے چند کارڈز کے ساتھ، پاکستان کے پاس ہائبرڈ ماڈل کے ساتھ جانے کے علاوہ کوئی دوسرا راستہ نہیں بچا تھا اور اس حقیقت کو ماننا چاہیے کہ بی سی سی آئی کے صدر راجر بنی اور نائب صدر راجیو شکلا نے ایشیا کپ کے دوران پاکستان کا سفر کرنے پر رضامندی ظاہر کی ہے۔

انہوں نے کہا کہ یہ ایک بہت بڑی بات ہے اور اسے دونوں ممالک کے درمیان ایک مثبت پیش رفت کے طور پر سراہا جانا چاہیے۔

اسلام آباد میں جہاں شائقین عام طور پر کرکٹ میچوں کے لیے لاہور اور ملتان کے دن کے دورے کر کے خوش ہوتے ہیں، وہاں عملی طور پر اس ٹورنامنٹ میں کوئی دلچسپی نہیں ہے اور نہ ہی گلیوں یا ٹی وی پر اس کی مارکیٹنگ کی جاتی ہے۔

اوگرا نے کہا کہ سیاست کرکٹ کی قیمت پر ہو رہی ہے۔ کرکٹ کو لائن آف کنٹرول مت سمجھو، کھیل کو سرحدی تنازعہ نہ بنائیں۔