جڑانوالہ میں گرجا گھروں پر حملوں کا کیس سپریم کورٹ میں سماعت کے لیے مقرر

سپریم کورٹ نے جڑانوالہ میں چرچ نذر آتش کرنے سے متعلق کیس سماعت کے لیے مقرر کردیا گیا۔ جسٹس اعجاز الاحسن کی سربراہی میں تین رکنی بینچ جمعے کے روز کیس کی سماعت کرے گا۔

واضح رہے کہ جڑانوالہ میں جلاؤ گھیراؤ کا واقعہ 16 اگست کو پیش آیا تھا جب قرآن اور پیغمبرِ اسلام کی توہین کے الزامات سامنے آنے کے بعد ہجوم نے جڑانوالہ کے مختلف علاقوں میں مسیحی آبادیوں کو نشانہ بنایا تھا۔

اس واقعے میں سب سے زیادہ نقصان عیسیٰ نگری کے علاقے میں ہوا تھا جہاں 40 مکانات اور تین چرچ جلائے گئے جبکہ محلہ چمڑہ منڈی میں بھی دو چرچ اور 29 مکانات نذرِ آتش کیے گئےتھے۔

اس واقعے کے بعد سپریم کورٹ میں دائر ایک درخواست میں چیف جسٹس سے جڑانوالہ میں پیش آنے والے واقعے پر ازخود نوٹس لینے کی استدعا کی گئی تھی۔

سپریم کورٹ میں کل ہونے والی سماعت کے بینچ میں جسٹس منیب اختر، جسٹس جمال خان مندوخیل بھی شامل ہیں۔ اقلیتی رہنما سیمیول پیارے نے جڑانوالہ واقعے پر نوٹس لینےکے لیے سپریم کورٹ میں متفرق درخواست دائر کی گئی تھی