کراچی میں 18 سے 20 ستمبر کے دوران وقفے وقفے سے گرج چمک کے ساتھ بارش کی پیشگوئی

محکمہ موسمیات نے 18 سے 20 ستمبر کے دوران کراچی میں وقفے وقفے سے گرج چمک کے ساتھ بارش کی پیش گوئی کردی۔

محکمہ موسمیات ارلی وارننگ سینٹر کی جاری پیش گوئی کے مطابق18 سے 20 ستمبر کے دوران کراچی ڈویژن میں وقفے وقفے سے گرج چمک کے ساتھ بارش کا امکان ہے۔

کل شام سے مون ہواؤں کا سلسلہ مشرقی سندھ میں داخل ہونے کا امکان ہے،جس کے اثرات کے نتیجے میں آج دیہی سندھ کے ضلع جامشورو،ٹھٹھ عمرکوٹ،تھرپارکر اور سانگھڑ میں ہلکی بارش کا امکان ہے۔

 کل سے 19 ستمبر کے دوران خیرپور،بدین،سجاول سمیت دیگر اضلاع میں بارش کا امکان ہے۔

محکمہ موسمیات کے مطابق آج اور کل کراچی کا مطلع صاف اور جزوی ابرآلود رہنے اور اتوار کو کراچی کا موسم گرم و مرطوب ریکارڈ ہوسکتا ہے۔.