تھیٹر فیسٹیول میں 19 ویں دن سندھی رسوم و رواج پر ڈرامہ I say no پیش کیا گیا

آرٹس کونسل آف پاکستان کراچی میں جاری پاکستان تھیٹر فیسٹیول کے 19 ویں روز تھیٹر پلے ”!Say No“ پیش کیا گیا

آرٹس کونسل آف پاکستان کراچی میں جاری پاکستان تھیٹر فیسٹیول کے 19ویں روز تھیٹر پلے ”!Say No “ اردو زبان میں پیش کیاگیا، تھیٹر کے رائٹر و ڈائریکٹر شاہ نواز بھٹی ہیں جبکہ ڈرامہ کی کاسٹ میں زرقا ناز، وجیہہ اشفاق، عمید اکبر، زبیر بلوچ، سرفراز علی، عثمان عامر اور پراتنکا شامل ہیں۔

 ڈرامہ میں صوفیانہ تھر کے علاقے میں ہونے والی فرسودہ روایات کے بارے میں آگاہی دی گئی ، کھیل کی کہانی میں دکھایا گیا ہے کہ شادیاں صرف منتوں سے نہیں ہوتیں بلکہ قدیم رسم و رواج اور فرسودہ روایات کے مطابق بھی ہوتی ہیں۔

 اس ثقافتی رسم کے پس منظر میں ڈرامے میں سانحے کی کہانی بیان کی گئی جسے شائقین نے بے انتہا پسند کیا اور فنکاروں کی پرفارمنس کو خوب سراہا۔