جنوبی افریقا کے کپتان ٹیمبا باوما ورلڈ کپ وارم اپ میچوں میں شریک نہیں ہوں گے

جنوبی افریقہ کے کپتان ٹیمبا باوما گھریلو وجوہات کی بنا پر افغانستان اور نیوزی لینڈ کے خلاف کرکٹ ورلڈ کپ وارم اپ میچوں میں شریک نہیں ہوں گے، جنوبی افریقا کے کرکٹ عہدیداروں  نے جمعرات کو اس بات کی تصدیق کی ہے۔

عہدیداروں نے مزید کوئی تفصیلات فراہم نہیں کیں، لیکن توقع ہے کہ باوما 7 اکتوبر کو دہلی میں سری لنکا کے خلاف جنوبی افریقہ کے پہلے ورلڈ کپ میچ میں شریک ہوں گے۔

ان کی غیر موجودگی میں ایڈن مارکرم ٹیم کی قیادت کریں گے،جنوبی افریقہ کا جمعہ کو افغانستان اور پیر کو نیوزی لینڈ سے مقابلہ ہوگا، ریزا ہینڈرکس باوما کی جگہ بیٹنگ کا آغاز کریں گے۔

باوما حالیہ دنوں میں جنوبی افریقہ کے ٹاپ آرڈر کا کلیدی حصہ رہے ہیں، انہوں نے اس سال انگلینڈ، ویسٹ انڈیز کے خلاف سنچریاں اسکور کیں اور حال ہی میں اس ماہ کے شروع میں آسٹریلیا کے خلاف ناقابل شکست 114 رنز بنائے۔