نواز شریف دبئی میں موجود، کل پاکستان پہنچیں گے، آج مینار پاکستان پر قوالی نائٹ

نوازشریف سعودی عرب سے دبئی پہنچ گئے، سابق  وزیراعظم کو دبئی ائیرپورٹ پر خصوصی پروٹوکول دیا گیا۔

قائد ن لیگ، سحاق ڈار کے بیٹے  کی رہائش گاہ پر قیام پذیر ہیں۔پاکستان سمیت مختلف ممالک سے پارٹی رہنما بھی دبئی پہنچ گئے ۔نوازشریف کل دبئی سے پاکستان  کیلئے اڑان  بھریں  گے۔

نوازشریف کا طیارہ پہلے اسلام آباد لینڈ کرے گا۔ کچھ دیر قیام کےبعد لاہور پہنچیں گے۔مینار پاکستان گراؤنڈ پر بڑے جلسے سے خطاب کریں گے۔

جلسے سے پہلے آج مینار پاکستان جلسہ گاہ میں قوالی نائٹ ہوگی ۔معروف قوال آواز کا جادو جگائیں گے۔ لیگی کارکنوں کا جوش بڑھا ئیں گے۔ جلسہ گاہ آنے والوں  کو کھانا بھی ملے گا۔

جلسے کیلئے پنڈال سج گیا ۔نوازشریف ، مریم  نواز، حمزہ شہباز سمیت مرکزی  قیادت کیلئے خصوصی اسٹیج  تیار کیا گیا ہے۔ خواتین کیلئے الگ انکلوژر  ہوگا۔

مینار پاکستان جلسے کی سکیورٹی کیلئے فول پروف انتظامات کئے گئے ہیں۔ 8ہزار سےزائد پولیس افسر اور اہلکار تعینات ہوں گے۔8ایس پیز،40ڈی ایس پیز اور اےایس پیز، 60ایس ایچ اوزسکیورٹی معاملات کی نگرانی کریں گے۔۔400سی سی ٹی وی کیمروں سے جلسے کی مانیٹرنگ کی جائے گی۔

جلسہ گاہ میں ڈرون کیمروں کو اڑانے کی اجازت نہیں ہوگی۔۔۔ جلسے کیلئے ٹریفک پلان جاری،15سو سےزائد وارڈنز تعینات ہوں گے۔ شرکاء کی گاڑیوں کیلئے 16پارکنگ پوائنٹس  مختص کیے گئے ہیں۔