زیر حراست افراد کے میڈیا انٹرویوز پر لاہور ہائیکورٹ نے پیمرا اور پولیس سے جواب طلب کر لیا

زیر حراست افراد کے میڈیا انٹرویوز کے خلاف درخواست پر لاہور ہائیکورٹ نے تحریری عبوری حکم جاری کردیا۔

عدالت نے پیمرا اور اعلیٰ پولیس افسران کو جواب کے ساتھ پیش ہونے کا حکم  دے دیا۔ جسٹس علی ضیاء باجوہ نے دائر درخواست پر عبوری حکم جاری کیا۔

درخواست گزار وشال شاکر ایڈووکیٹ نے عدالت سے رجوع کیا، درخواست گزار کا موقف ہے کہ زیر حراست افراد کا انٹرویو کرنا آئین کے آرٹیکل 13 کی خلاف ورزی ہے،ذمہ دار حکام انٹرویوز کروانے میں معاونت فراہم کر رہے ہیں،متعلقہ ادارے ان انٹرویوز کے حوالے سے خاموش ہیں۔

درخواست گزار نے استدعا کی کہ زیر حراست افراد کے انٹرویوز کو خلاف آئین قرار دیا جائے،عدالت خلاف آئین انٹرویوز کے حوالے سے احکامات جاری کرے۔

عدالت نے ایڈووکیٹ احمد پنسوتا اور بیرسٹر حمزہ شہرام کو عدالتی معاون مقرر کر دیا