2024 کے انتخابات جو دنیا کو ہلا سکتے ہیں

اس گزرتے سال ووٹرز نے دنیا کے استحکام کو کچھ گہرے جھٹکے لگائے ہیں لیکن 2024 میں  کے انتخابی جھٹکے اس سے زیادہ ہو سکتے ہیں جس کی ہم توقع کر سکتے ہیں۔

اگلے سال، دنیا کی نصف سے زیادہ آبادی والے ممالک میں انتخابات ہوں گے، دی اکانومسٹ نے نوٹ کیا ہے۔ 4 ارب سے زیادہ لوگ ان ممالک میں رہتے ہیں جو ووٹ ڈالیں گے۔

ہر براعظم میں انتخابات میں ووٹرز کے درمیان یہ رجحان تیزی کے ساتھ سامنے آیا ہے کہ وہ معتدل اور لبرل سیاست کو مسترد کر کے انتہا پسند رجحانات کی حامل جماعتوں کے چمکیلے بھڑکیلے وعدوں کو ترجیح دیتے ہیں اور یہ مقبولیت پسندی کے عروج کا ایک دور ہے۔اور ڈرامائی تبدیلی کے امکانات شدت اختیار کر رہے ہیں۔

اہم انتخابی سال جنوری میں بنگلہ دیش سے شروع ہوتا ہے۔ مرکزی حزب اختلاف بنگلہ دیش نیشنلسٹ پارٹی کی طرف سے  پہلے ہی حکومت مخالف احتجاج کا سلسلہ جاری ہے۔ اپوزیشن کے سرکردہ رہنما جیل میں یا جلاوطن ہیں۔ بی این پی نے دھمکی دی ہے کہ اگر وزیر اعظم شیخ حسینہ نے استعفیٰ نہ دیا اور عام انتخابات سے قبل اقتدار نگراں حکومت کو نہ سونپا تو وہ انتخابات کا بائیکاٹ کر دے گی۔ شیخ حسینہ غالباً 15 سال سے جاری آہنی حکومت کو جاری رکھیں گی۔

فروری میں، دنیا کی دو سب سے زیادہ آبادی والے مسلم ممالک پاکستان اور انڈونیشیا  میں ایک ہفتے کے فرق سے انتخابات ہیں۔ مقبول لیکن منقسم سابق وزیراعظم عمران خان کو بدعنوانی کے الزام میں ہٹائے جانے کے بعد پاکستان اپنے پہلے عام انتخابات کا انعقاد کرے گا۔ عمران خان اب بھی اپنی سیاسی جماعت کے پس پردہ محرک ہیں۔

انڈونیشیا میں جلد ہی دنیا کے سب سے بڑے ایک دن کے انتخابات ہوں گے – جس میں ملک میں 200 ملین سے زیادہ ووٹرز اور 1.75 ملین انڈونیشیائی باشندے ہوں گے حالانکہ امیر کاروباری اور فوجی اشرافیہ کی طاقت پر گرفت ڈھیلی ہونے کا امکان نہیں ہے۔ اس کے علاوہ، جنوبی افریقہ یقیناً نیلسن منڈیلا کے بعد کے پریشان کن دور میں افریقہ میں شاید سب سے اہم انتخابات کا انعقاد۔ جب دو سال قبل جنوبی افریقی بلدیاتی انتخابات میں پولنگ میں گئے تو منڈیلا کی افریقن نیشنل کانگریس (اے این سی) پارٹی نے پہلی بار 50 فیصد سے بھی کم ووٹ حاصل کیے، ووٹروں کو اس بد نظمی اور بدعنوانی سے مایوسی ہوئی جو افریقن نیشنل کانگریس کے 30 سالہ اقتدار کے دوران ہوئی۔اگر 2024 کے عام انتخابات میں یہ گراوٹ کا رجحان جاری رہا تو یہ جنوبی افریقہ کی سیاسی تاریخ کا ایک اہم لمحہ ہوگا۔

یورپ کی طرف دیکھا جائے تو 9 پارلیمانی انتخابات ہوں گے، جہاں آنے والی حکومتوں کے لیے سب سے بڑا چیلنج اکثریت بنانے کے لیے اتحادیوں کو تلاش کرنا ہوگا۔

مارچ میں پرتگال کے اسنیپ الیکشن پر نظر رکھیں۔ یہ بدعنوانی کی تحقیقات کے بعد ہو رہا ہے جس نے ملک کے سوشلسٹ وزیر اعظم کو آٹھ سال کے اقتدار سے الگ ہونے پر مجبور کیا تھا – اور یہ انتہائی دائیں بازو کی چیگا (کافی) پارٹی کی طرف جھکاؤ ثابت ہو سکتا ہے۔

اس کے علاوہ جنوری 2025 کے آخر تک برطانیہ کے عام انتخابات ہونے والے ہیں، یعنی ہم توقع کر سکتے ہیں کہ برطانوی ووٹرز ممکنہ طور پر 2024 کے آخر میں انتخابات میں حصہ لیں گے اور کنزرویٹو کی 14 سالہ حکمرانی کے بعد لیبر پارٹی کی اقتدار میں واپسی ہو سکتی ہے۔

لاطینی امریکہ کا رخ کرتے ہوئے، میکسیکو اپنی پہلی خاتون صدر کے لیے تیار ہے، کیونکہ جون کے انتخابات میں دو اہم پارٹیوں کے بیلٹ پر خواتین امیدوار ہیں، جہاں منشیات، جرائم اور امریکہ کی طرف ہجرت سیاسی ایجنڈے میں سرفہرست ہیں۔

وینزویلا کے قوم پرست رہنما نکولس مادورو تیل کے حقوق پر پڑوسی ملک گیانا کے ساتھ سرحدی جنگ سمیت داؤ پر لگا کر ایک نیا مینڈیٹ تلاش کریں گے۔

13 جنوری: امریکا چین کشیدگی میں تائیوان کے صدارتی الیکشن

بیجنگ اور تائی پے کے درمیان بڑھتی ہوئی کشیدگی کے اس وقت میں بہت کچھ داؤ پر لگا ہوا ہے، امریکہ تائیوان کی جمہوریت کی ضمانت کا وعدہ کرتا رہتا ہے۔

تین صدارتی امیدواروں میں، کم مارجن کے ساتھ فرنٹ رنر حکمران جماعت ڈیموکریٹک پروگریسو پارٹی ( ڈی پی پی) کے لائی چنگ تے جزیرے کی خودمختاری کے دفاع کے عزم کے ساتھ چین کے لیے ناقابل قبول ہیں، ان کے قریب ترین دوسرے امیدوار اپوزیشن جماعت کومنتانگ ( کے ایم ٹی) کے صدارتی امیدوار ہو یو ایہ بیجنگ کے ساتھ مذاکرات شروع کرنے کے لیے تیار ہیں، تیسرے امیدوار کو وین جے تائیوان پیپلز پارٹی ( ٹی پی پی) سے ہیں اور تائی پی کے سابق میئر ہیں، جو چین کے ساتھ مصالحت کا درمیانی راستہ پیش کرتے ہیں۔

اگر رائے دہندگان سٹیٹس کو برقرار رکھتے ہیں تو توقع رکھیں کہ بیجنگ دباؤ کو بڑھا دے گا۔ نومبر میں حزب اختلاف کی جماعتوں کے درمیان اتحاد کی بات چیت ٹوٹنے کے بعد چین کا سرکاری ردعمل “جنگ اور امن کے درمیان ایک انتخاب” تھا۔

17 مارچ:صدر پیوٹن کا تاحیات اقتدار

ولادیمیر پوتن کی دوبارہ انتخابی مہم کے بعد ان کی تاحیات صدر کے لیے منصوبہ بندی کے بارے میں کوئی شک باقی نہیں ہے۔ وہ اپنی مدت کے اختتام تک 78 سال کے ہو جائیں گے، سوویت رہنما جوزف سٹالن کو کیتھرین دی گریٹ کے بعد سب سے طویل عرصے تک رہنے والے روسی حکمران کے طور پر پیچھے چھوڑ دیں گے۔

اب تک، ایسا لگتا ہے کہ ان کے مدمقابل ایک باضابطہ طور پر منظور شدہ مخالف ہے – الیکسی نیچائیف، ایک کاسمیٹکس کا تاجر، جو پوٹن کے اپنے سیاسی اتحاد کا رکن ہے۔

اپریل اور مئی: بھارت دوراہے پر

دنیا کی سب سے زیادہ آبادی والی قوم کا ایک متحرک جمہوریت سے ہندو قوم پرست ریاست میں تبدیل ہونا اور تھیوکریسی کے قریب پہنچنا،  بھارت کے لیے اس الیکشن میں بہت کچھ داؤ پر لگا ہوا ہے، جو اپریل اور مئی میں کئی ہفتوں تک منعقد ہونے کی توقع ہے۔

وزیر اعظم نریندر مودی نے اپنی پہلی میعاد ہندو قوم پرستی کو مضبوط کرنے کے لیے وقف کی۔ ملک کے تقریباً 200 ملین مسلمان اور 28 ملین عیسائی سخت مشکل میں ہیں۔ یہ خدشہ ہے کہ مودی کی متوقع جیت انہیں بھارت کو ہندو قوم پرست ریاست بنانے کے مشن کو مکمل کرنے کی اجازت دے گی۔

اگلے مہینے، مودی ایک وسیع و عریض ہندو مندر کا افتتاح کریں گے، جو صدیوں پرانی بابری مسجد کی راکھ پر بنا ہے جو مودی اور ہندوستان کے تمام ہندوؤں کے لیے غلبہ ک کی علامت ہے۔

امریکہ ایسے فرد کے ساتھ کیسے نمٹتا ہے جو ترقی پذیر دنیا کا مرکز ہے اور ساتھ ہی ایک اہم تجارتی پارٹنر، پاکستان کا مخالف، روس اور چین کی طرف اس کا جھکاؤ اور بحرالکاہل میں چین کی توسیع کے خلاف ایک اسٹریٹجک رکاوٹ؟

6 سے 9 جون: یورپین پارلیمنٹ پر دائیں بازو کے غلبے کے امکانات

جون یورپ کے مستقبل کے لیے ایک نازک لمحہ ہو گا، کیونکہ یورپی پارلیمنٹ برطانیہ کے انخلا کے بعد اپنا پہلا الیکشن کر رہی ہے۔ اور اس الیکشن میں بہت بڑا انتشار پیدا ہونے کی پیش گوئی ہے۔

کئی برسوں سے دائیں بازو کی جانب جھکاؤ کے لیے بنیادیں رکھی جا رہی تھیں، 2023 میں ان بنیادوں پر تعمیر شروع ہوئی، یورپ کے دائیں بازو کے قدامت پسند اور اصلاح پسند یورپی پارلیمنٹ میں تیسرا بڑا گروپ بن کر ابھر سکتے ہیں۔

پرعزم دائیں بازو اور یورو سیپٹکس کا ایسا بلاک یورپی یونین کے اعتدال پسند پروگراموں کو بریک لگاسکتا ہے۔ یوکرین کے لیے مزید امداد، روس پر پابندیاں (پہلے ہی ہنگری اور سلوواکیہ کی جانب سے ویٹو کا موضوع)، امیگریشن پر روک، موسمیاتی کنٹرول پر رول بیکس، یورپی یونین میں انصاف اور قانون کی حکمرانی، اور یورپ کے معاملات میں چین کے ساتھ تبدیلی، بہت کچھ اس الیکشن کے ساتھ منسلک ہے۔

5 نومبر: امریکی صدارتی الیکشن میں ٹرمپ فیکٹر

ڈونلڈ ٹرمپ کے صدر منتخب نہ ہونے کی صورت میں بھی 5 نومبر کو ہونے والی بیلٹنگ اور مہم امریکہ میں جمہوریت کے تانے بانے کو ٹکڑے ٹکڑے کر سکتی ہے۔ اور اگر وہ منتخب ہو جاتے ہیںإ تو اس کے اثرات دنیا کے بڑے حصوں پر پڑ سکتے ہیں۔

ٹرمپ کے انخلا کی صورت میں نیٹو کیسا ہوگا؟  جو لوگ نیٹو کا مکمل خاتمہ چاہتے ہیں ان کے سکون کا ذرا تصور کریں۔

پھر وہ تمام ڈکٹیٹر اور مستقبل کے ڈکٹیٹر ہیں جن کے لیے ٹرمپ نے گرم جوشی سے الفاظ کہے۔ ہفتے کے روز نیو ہیمپشائر میں انتخابی مہم کے دوران، ٹرمپ نے امریکی صدر جو بائیڈن کو “جمہوریت کے لیے خطرہ” قرار دیتے ہوئے پوتن کا حوالہ دیا۔ اسی تقریب میں انہوں نے شمالی کوریا کے رہنما کم جونگ ان اور ہنگری کے سخت گیر قوم پرست وزیر اعظم وکٹر اوربان کی تعریف کی۔

ٹرمپ کی صدارت کی صورت میں یہ الفاظ کیسے عمل میں آ سکتے ہیں؟ بہر حال، ٹرمپ نے پہلے ہی ارجنٹائن کے نئے بنیاد پرست-دائیں بازو کے صدر، زیویئر میلی سے ملنے کا وعدہ کیا ہے، جنہوں نے بیوروکریسی اور بجٹ پر کڑی تنقید کرتے ہوئے پیسو کو امریکی ڈالر میں بدلنے کا اشارہ دیا ہے۔

دنیا اب سے ایک سال کہاں ہوگی اس کا تعین مختلف درجات کی آزادی اور شفافیت کے ساتھ بیلٹ بکسوں کو دیکھنے یا ان سے دور رہنے والے اربوں ووٹرز کے ذریعہ طے کیا جائے گا اور وہ سیاست دان جو یہ ظاہر کریں گے کہ وہ اپنے لوگوں کے انتخاب کا کس حد تک احترام کرتے ہیں۔

امید ہے کہ ووٹر سوچ سمجھھ کر فیصلہ کریں گے۔