یمنیٰ زیدی کا شادی تقریب میں رقص، ویڈیو وائرل

پاکستان کی مقبول اداکارہ یمنیٰ زیدی کے شادی کے موقع پر کیے گئے رقص نے سوشل میڈیا پر دھوم مچادی۔

اداکارہ نے اپنے سوشل میڈیا اکاؤنٹ انسٹاگرام پراپنے رقص کی ایک ویڈیو شیئر کی ہے۔ ویڈیو میں سرخ جوڑے میں ملبوس خوبصورت یمنیٰ زیدی کو خاندان کی ایک شادی پر رقص کرتے ہوئے دیکھا جاسکتا ہے۔

اداکارہ نے ویڈیو پوسٹ کرتے ہوئے لکھا کہ ’یہ میری نئی آنے والی فلم ”نایاب“ کا میرا نیا پسندیدہ دیسی ڈانس ہے‘۔

اداکارہ اپنی آنے والی فلم ’نایاب‘ کے مقبول گانے ’شیندی‘ پر رقص کر رہی ہیں۔ سُرخ اور گولڈن رنگ کے اس لباس میں ان کا یہ دلکش رقص سوشل میڈیا پر وائرل ہوگیا ہے۔

 

View this post on Instagram

 

A post shared by Yumna Zaidi (@yumnazaidiofficial)

سوشل میڈیا پر اس ویڈیو کے بعد سے اداکارہ کی اس سادہ اور کلاسیکل لُک کو بھی خوب پسند کیا جارہا ہے۔

یمنیٰ زیدی اوراُسامہ خان فلم ’نایاب‘ سے اپنا ڈیبیو کریں گے، فلم میں یمنیٰ کو بطورِ کرکٹر اداکاری کرتے ہوئے دیکھا جائے گا۔