کراچی کےصارفین کے لیے بجلی فی یونٹ 1.72 روپے مہنگی کردی گئی

نیشنل الیکٹرک پاور ریگولیٹری اتھارٹی نے کراچی کے لیے بجلی 1 روپے 72 پیسے فی یونٹ مہنگی کرنے کی منظوری دے دی۔

نیپرا کی جانب سے منظوری گزشتہ مالی سال کی دوسری اور تیسری سہ ماہی ایڈجسٹمنٹ کی مد میں دی گئی ہے۔

جنوری تا مارچ 2023ء کی سہ ماہی ایڈجسٹمنٹ میں 1 روپے 25 پیسے فی یونٹ اضافہ منظور کیا گیا ہے۔

اکتوبر تا دسمبر 2022ء کی سہ ماہی ایڈجسٹمنٹ میں 47 پیسے فی یونٹ کا اضافہ منظور ہوا ہے۔نیپرا نے فیصلہ نوٹیفکیشن کے لیے وفاقی حکومت کو بھجوا دیا۔

نیپرا کے فیصلے میں کہا گیا ہے کہ ملک بھر میں بجلی کا یکساں ٹیرف برقرار رکھنے کے لیے اضافے کی منظوری دی ہے۔

نیپرا کے فیصلے میں یہ بھی کہا گیا ہے کہ کے الیکٹرک کے صارفین سے وصولیاں جنوری، فروری اور مارچ 2024ء میں کی جائیں۔