لیول پلیئنگ فیلڈ مانگا، انتخابی نشان ہی ختم کردیا، چیف جسٹس کی عظمت کو سلام ہے، لطیف کھوسہ

پاکستان تحریک انصاف کے وکیل لطیف کھوسہ نے کہا ہے کہ  ہم نے صاف شفاف انتخابات اور لیول فیلڈ کا کہا لیکن ہمارے امیدواروں اور تائید کنندہ کو اٹھایا گیا، پولیس کی بھاری نفری آر او دفتر کے باہر لگی رہی، ساتھ جانے والے وکلاء کو گرفتار کیا گیا۔

سپریم کورٹ کی باہر میڈیا سے گفتگو کرتے ہوئے پی ٹی آئی وکیل لطیف کھوسہ نے کہا کہ ایم پی او لگا کر ہمارے امیدواروں کو گرفتار کیا گیا ، جن ڈپٹی کمشنرز نے ایم پی او جاری کئے اور وہی ڈی آر او بھی تعینات کئے گئے، کاغذات نامزدگی کی جانچ پڑتال کا موقع آیا تو کاغذات کو پھاڑا گیا اور تشدد کیا گیا، یہ سارے معاملات سپریم کورٹ کے نوٹس میں لائے کہ آپ کے حکم عدولی ہورہی ہے، پنجاب حکومت  حکام نے بھی عدالت کو بتایا کہ کوئی واقعہ ہوا ہی نہیں۔

سردار لطیف کھوسہ نے کہا کہ چیف جسٹس کی عظمت کو سلام ہے، وہ کہتے ہیں کہ ٹی وی دیکھتے ہی نہیں، الیکشن کمیشن بدیانت ہے، کیا یہ لیول پلینگ فیلڈ ہے کہ ایک جماعت کو نشان ملا ہوا تھا اور رات ساڑھے گیارہ بجے اس کو ختم کیا گیا، فیصلہ کی بنا پر ہماری خواتین اور اقلیتی نشستوں کو اڑا دیا گیا، پچیس کروڑ عوام کو حق رائے دہی سے محروم کیا گیا، ہمیں الیکشن کمیشن پر کوئی اعتماد نہیں ہے۔