کراچی : کورنگی میں تیز رفتار ٹرالر نے ماں،بیٹی کو کچل کر ماردیا

کراچی کے علاقے کورنگی میں تیزرفتار ٹرالر نے ماں اور بیٹی کو کچل ڈالا،جاں بحق ہونے والی ماں کی شناخت 43 سالہ نازیہ اور بیٹی کی شناخت 15 سالہ سمیرا کے ناموں سے ہوئی۔

واقعہ کورنگی ڈیڑھ نمبر پیٹرول پمپ کے قریب پیش آیا،حادثے میں باپ سمیت دو بچےمعجزانہ طور پر محفوظ رہےْ

حادثے میں  بچ جانے والے شخص نیاز نے بتایا کہ وہ شادی کی تقریب میں شرکت کے بعد اپنی  بیوی اور تین بچوں کے ہمراہ موٹر سائیکل پر  گھر واپس جارہا تھا کہ راستے میں ٹرالر کی ٹکر سے موٹرسائیکل سلپ ہوئی اور تیز رفتار ٹرالر ان پر پر چڑھ گیا۔

حادثہ دیکھ کر وہاں موجود لوگ مشتعل ہوگئے اور ٹریلر کو آگ لگا دی، حادثے کے بعد پولیس اور امدادی رضاکار موقع پر پہنچے اور لاشوں کو اسپتال منتقل کیا۔

 ٹریلر کے پہیوں تلے دب تک لاشوں کے چہرے مسخ ہوگئے، جانبحق ہونے والی سمیرا آٹھویں جماعت کی طالبہ تھی۔