لاہور پولیس نے 8 فروری تک اسلحہ کی تمام دکانیں بند کرادیں

سکیورٹی خدشات کے پیش نظراسلحہ ڈیلرز کی دکانیں بند کردی گئیں ۔لاہور میں 8 فروری تک کوئی اسلحہ ڈیلر اپنی دکان نہیں کھول سکتا۔الیکشن کے انعقاد تک اسلحہ کی خریدوفروخت پر پابندی عائد کردی گئی ۔ پولیس نے اسلحہ ڈیلروں سے شورٹی بانڈز لے لئے۔

الیکشن کے موقع پر سکیورٹی خدشات کی بنیاد پر لاہور پولیس نے تمام اسلحہ ڈیلرز کو پولنگ کے دن تک دکانیں بند رکھنے کی ہدایت کی ہے۔

پولیس کا کہنا ہے کہ شہر میں 8 فروری تک کوئی اسلحہ ڈیلر اپنی دکان نہیں کھول سکتا،الیکشن کے انعقاد تک اسلحہ کی خریدوفروخت پر پابندی عائد کردی گئی ہے۔

اسلحہ ڈیلرز نے بتایا کہ پولیس نے اسلحہ ڈیلروں سے شورٹی بانڈز لے لئے ہیں،محکمہ داخلہ کی جانب سے دکانیں بند کرنے کے احکامات نہیں ملے ہیں، پولیس زبانی احکامات پر زبردستی دکانیں بند کروارہی ہے۔