عام انتخابات کے دوران تخریب کاری کا منصوبہ ناکام بنادیا گیا، جامشورو سے کالعدم تنظیم کا دہشتگرد گرفتار

سی ٹی ڈی سندھ نے عام انتخابات میں تخریب کاری کا منصوبہ ناکام بنادیا، سی ٹی ڈی نے جامشورو میں کارروائی  کرتے ہوئے کالعدم تنظیم کا دہشت گرد گرفتار کر لیا۔

سی ٹی ڈی حکام کا کہنا ہے کہ گرفتاد دہشت گرد کے قبضے سے بھاری مقدار میں بارودی مواد ، ڈیٹونیٹراور بال بیرنگ بھی برآمد ہوئے۔ دہشت گرد سے ریاست مخالف پمفلٹس اور بینرز بھی ملے ہیں۔

سی ٹی ڈی حکام کے مطابق دہشت گرد جامشورو کی جامعات میں طلبا کی ریاست مخالف ذہن سازی پر کام کررہاتھا،دہشتگرد نے انتخابات کے روز تخریب کاری کی منصوبہ بندی کررکھی تھی۔

سی ٹی ڈی حکام کے مطابق گرفتار دہشت گرد سے مزید تفتیش کی جارہی ہے۔