تھانہ شادمان جلانے کا مقدمہ، یاسمین راشد، اعجاز چوہدری اور محمود الرشید پر فرد جرم عائد، جیل ٹرائل کا حکم

نو مئی کو راحت بیکری چوک میں پولیس کی گاڑیاں جلانے  اور  تھانہ شادمان کونذر آتش کرنے کے مقدمہ میں انسداد دہشتگردی عدالت لاہور نے ڈاکٹر یاسمین راشد، میاں محمود الرشید اور اعجاز چوہدری پر فردم جرم عائد کر دی اور جیل میں ٹرائل کرنے کا حکم دیا ہے۔

عدالت نے ڈاکٹر یاسمین راشد، میاں محمود الرشید اور اعجاز چوہدری کو فرد جرم عائد کرنے کیلیے طلب کر رکھا تھا۔ عدالت نے ملزمان کو چالان کی نقول تقسیم کر رکھی ہیں۔

انسداد دہشتگری عدالت کے جج محمد نوید اقبال نے سماعت کی۔

پراسیکیوشن نے  تھانہ شادمان نذر آتش کیس کا چالان جمع کرا رکھا ہے۔چالان میں بغاوت سمیت دیگر سنگین الزامات لگائے گئے ہیں۔

ملزمان کیخلاف تھانہ شادمان میں مقدمہ نمبر 768/23 درج ہے۔