پنجاب میں سی ٹی ڈی کے انٹیلی جنس بیسڈ آپریشنز میں 7 دہشتگرد گرفتار

پنجاب کے مختلف شہروں میں کاؤنٹر ٹیررزم ڈیپارٹمنٹ (سی ٹی ڈی) نے انٹیلی جنس بیسڈ آپریشن کے دوران 7 دہشت گرد گرفتار کر لیے۔

پنجاب کے جن شہروں میں انٹیلی جنس بیسڈ آپریشن کئے گئے ان میں لاہور،منڈی بہاؤالدین، گوجرانوالہ، لیہ،ساہیوال.میانوالی اور بہاولپور شامل ہیں۔

ترجمان سی ٹی ڈی کا کہنا ہے کہ بہاولپورسے ٹی ٹی پی کا اہم  کمانڈر معاویہ گرفتار کیا گیا۔

ترجمان سی ٹی ڈی پنجاب کے مطابق دہشت گردوں سے دھماکہ خیز مواد۔ ہینڈ گرنیڈ 01.ڈیٹونیٹر 6.حفاظتی فیوز 6.اسلحہ۔ گولیاں اور نقدی برامد ہوئی۔

دہشت گردوں کی شناخت رحیم شاہ، محمد عثمان، مرتضیٰ حسن،عمر سعید،رحمت، کاشف اورحسنین معاویہ کے نام سے ہوئی۔

سی ٹی ڈی حکام کا کہنا ہے کہ دہشت گرد مختلف اداروں پر حملے کی منصوبہ بندی  اور نظام حکومت تبدیل کرنا چاہتے تھے۔

رواں ہفتے935 کومبنگ آپریشنز کے دوران 48 مشتبہ افراد گرفتار کیے گئے۔کومبنگ آپریشنز میں 36056 افراد سے پوچھ گچھ کی گئی۔

سی ٹی ڈی حکام کا کہنا ہے کہ سی ٹی ڈی محفوظ پنجاب کے ہدف پر عمل پیرا ہے،دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔