پاکستان کو موسمیاتی تبدیلیوں سے سالانہ 4 ارب ڈالر نقصان، کلائمیٹ گورننس فریم ورک کا جائزہ لیا جانا چاہئے، ٹرانسپرنسی انٹرنیشنل

موسمیاتی تبدیلیوں سے پاکستان کو سالانہ 4ارب ڈالر نقصان ہوتاہے،عالمی ادارے ٹرانسپیرنسی انٹرنیشنل نے رپورٹ جاری کردی۔

رپورٹ کے مطابق  پاکستان کا شمارموسمیاتی تبدیلیوں سے متاثرہ پہلے 10 ممالک میں ہوتا ہے،موسمیاتی تبدیلیوں میں گلیشیئر پگھلنے،خشک سالی اور سیلاب کے واقعات شامل ہیں۔ پاکستان کو کلائمیٹ گورننس فریم ورک کا جائزہ لینا چاہیے۔

پاکستان کاشمارموسمیاتی تبدیلیوں سے متاثرہ پہلے 10 ممالک میں ہوتا ہے،موسمیاتی تبدیلیوں میں گلیشیئر پگھلنے،خشک سالی ،سیلاب کے واقعات شامل ہیں۔

رپورٹ میں کہا گیا کہ موسمیاتی تبدیلی ایکٹ 2017 کے تحت انٹرنیشنل کلائمیٹ فنڈنگ کو محفوظ بنایا جائے،موسمیاتی تبدیلی ایکٹ کے تحت موسمیاتی تبدیلیوں کے اداروں کو فعال، بااختیار بنایا جائے۔

رپورٹ میں مزید کہا گیا کہ موسمیاتی تبدیلی کے بحران کے تناسب سے موسمیاتی بجٹ میں رقم مختص کرنی چاہیے،موسمیاتی فنانسنگ پر اوپن ڈیٹابیس کا قیام عمل میں لایا جائے۔

رپورٹ میں سفارش کی گئی کہ کلائیمٹ گورننس کی سالمیت کو بڑھانے کے لیے عالمی طریقوں کا استعمال کیا جائے۔