عالمی عدالت انصاف کے فیصلے نہ ماننے پر اسرائیل کا احتساب کیا جائے، ترجمان دفتر خارجہ

ترجمان دفتر خارجہ ممتاز زہرا بلوچ نے کہا ہے کہ غزہ سے متعلق  عالمی عدالت انصاف کے فیصلے پر عملدرآمد کیا جائے،اسرائیل کو عالمی عدالت انصاف کے احکامات نہ ماننے پر زیراحتساب لایا جائے۔

ترجمان دفتر خارجہ نے معمول کی نیوزبریفنگ میں کہا کہ سیکرٹری سکیورٹی ڈویژن نےآستانہ میں سکیورٹی سے متعلق اجلاس میں شرکت کی،سیکرٹری سکیورٹی ڈویژن نے افغان صورتحال،سائبرسکیورٹی پر ایس سی اور رکن ممالک سے تبادلہ خیال کیا۔

ترجمان نے کہا کہ غزہ میں جاری اسرائیلی مظالم کی شدید مذمت کرتے ہیں،غزہ سے متعلق  عالمی عدالت انصاف کے فیصلے پر عملدرآمد کیا جائے،اسرائیل کو عالمی عدالت انصاف کے احکامات نہ ماننے پر زیراحتساب لایا جائے۔

ممتاز زہرا بلوچ نے کہا کہ مقبوضہ کشمیر میں کشمیریوں کو بھارتی مظالم کا سامنا ہے،پاکستان مقبوضہ کشمیر کا حل  اقوام متحدہ کی قراردادوں  کے مطابق چاہتا ہے۔

ترجمان نے کہا کہ داسوواقعہ پرقانون  نافذکرنےوالےادارے تحقیقات مکمل کررہے ہیں،داسو واقعہ کی تحقیقات مکمل ہونے پر میڈیا کو آگاہ کریں گے۔

ترجمان دفترخارجہ نے کہا کہ پاکستان،ایران نے جنوری کے بعد دوبارہ دوطرفہ تعلقات کے تمام چیلنجز کھول دیئے،ایران کا اعلیٰ سطح وفد اسلام آباد میں موجود ہے۔

ترجمان دفترخارجہ نے کہا کہ غزہ میں انسانی حقوق کی پامالی عالمی برادری کیلئے لمحہ فکریہ ہے،فلسطینیوں کو غذائی قلت جیسے چیلنجز کا سامنا ہے،پاکستان شام میں ایرانی سفارتخانے پر حملے کی مذمت کرتا ہے۔