وزیراعلیٰ سندھ سے سربراہ پاک بحریہ ایڈمرل نوید اشرف کی ملاقات

وزیراعلیٰ سندھ سید مراد علی شاہ سے پاکستان نیوی کے سربراہ ایڈمرل نوید اشرف نے ملاقات کی۔ملاقات میں پیشہ ورانہ امور پر بات چیت ہوئی۔

وزیراعلیٰ مراد علی شاہ نے کہا کہ کراچی نیوی کا شہر ہے،کراچی ساحل سمندر پر ہونے کے باعث اس کو ہم میری ٹائم شہر کہتے ہیں۔

نیول چیف نے مراد علی شاہ کو وزیراعلیٰ کا عہدہ سنبھالنے پر مبارکباد دی۔

وزیراعلیٰ سندھ نے کہا کہ پاکستان نیوی کی سندھ میں تعلیم اور صحت کے شعبوں میں گراں قدر خدمات ہیں،سیلاب کے دوران دیگر فورسز کے ساتھ پاکستان نیوی نے سندھ کے عوام کی بھرپور مدد کی۔

نیول چیف نے پاکستان نیوی کے ساتھ سندھ حکومت کے تعاون کوسراہا اور کہا کہ پاکستان نیوی سندھ کی ساحلی پٹی پر تعلیم، صحت اور فلاح و بہبود کے کام سرانجام دیتی ہے۔

وزیراعلیٰ نے نیول چیف کو اجرک اور سندھی ٹوپی کے تحائف پیش کئے۔

نیول چیف نے وزیراعلیٰ سندھ کو پی این ایس یرموک شپ کا ماڈل پیش کیا۔