بھارت مہمان نوازی اور سفارتکاری کے آداب بھول گیا، بلاول اور پاکستان کے ذکر پر زہر اگلتے نظر آئے، پاکستانی صحافی کو منافق کہہ ڈالا

بھارت کے وزیر خارجہ ایس جے شنکر نے شنگھائی تعاون تنظیم ( ایس سی او) اجلاس کے موقع پر پاکستان کے ہم منصب کے دورہ کی اہمیت کو گھٹاتے ہوئے ایک بار پھر زہریلے لب و لہجہ کا استعمال کیا اور پاکستان کے خلاف الزامات دہرائے۔ میزبان ملک ہونے کی حیثیت سے بھارتی وزیر خارجہ نے نے گھر آئے مہمان کی واپسی سے پہلے ہی ایک پریس کانفرنس میں الزامات دہرا کر سفارتی طور پر بداخلاقی کا مظاہرہ کیا۔

#WATCH | "As a Foreign Minister of an SCO member state, Mr Bhutto Zardari was treated accordingly. As a promoter, justifier and spokesperson of a terrorism industry which is the mainstay of Pakistan, his positions were called out and countered including at the SCO meeting… pic.twitter.com/9cLckxLML9

— ANI (@ANI) May 5, 2023

بھارتی وزیر خارجہ ایس جے شنکر نے پریس کانفرنس کے دوران سفارت کاروں سے ملاقاتوں اوراہم موضوعات پر تبادلہ خیال کا ذکر کیا، پاکستانی ہم منصب بلاول بھٹو زرداری کے متعلق بات کرتے ہوئے ایس جے شنکر نے کہا کہ بلاول بھٹو کے ساتھ وہی برتاؤ کیا گیا جو شنگھائی تعاون تنظیم کی رکن ریاست کے وزیر خارجہ کے ساتھ کیا جانا چاہئے۔ اس کے ساتھ ہی ایس جے شنکر نے الزامات کی پٹاری کھولی اور پاکستان کو دہشتگردی کو فروغ دینے، جواز فراہم کرنے اور دہشگتردی کا ترجمان ملک کہتے ہوئے دعویٰ کیا کہ شنگھائی تعاون تنظیم کے اجلاس میں نلاول بھٹو کے موقف کا جواب دیا گیا۔ ایس جے شنکر نے کہا کہ بلاول بھٹو زرداری تنظیم کے رکن ملک کے وزیر خارجہ کی حیثیت سے آئے اور یہ دورہ کثیرالجہتی سفارتکاری کا حصہ تھا اوران کے دورہ کی اس سے زیادہ کوئی اہمیت نہیں۔

پاکستان کے ساتھ تعلقات کے حوالے سے سوال پر ایس جے شنکر نے پھر زہریلا لب و لہجہ اپنایا اور ایک ہی جملے میں پانچ بار دہشتگردی کا لفظ استعمال کرتے ہوئے کہا کہ دہشتگردی کے متاثرین دہشتگردی کے مرتکب افراد کے ساتھ دہشتگردی پر بات نہیں کرتے، دہشتگردی کے متاثرین دہشتگردی کا مقابلہ کرتے ہیں۔ ایس جے شنکر آداب مہمان نوازی بھی بھول گئے اور ایک پاکستانی صحافی کے سوال کو منافقانہ قرار دیا اور ساتھ ہی کہا کہ پاکستان اور بھارت ایک کشتی کے سوار ہر گز نہیں۔

#WATCH | EAM Dr S Jaishankar welcomes Pakistan’s Foreign Minister Bilawal Bhutto Zardari for the Meeting of the SCO Council of Foreign Ministers in Goa pic.twitter.com/TVe0gzml1U

— ANI (@ANI) May 5, 2023

ایس جے شنکر نے بلاول کے دورہ کے موقع پر مقبوضہ جموں و کشمیر میں بھارتی فوج پر حملے اور اہلکاروں کی موت کا ذکر کیا اور کہا کہ جموں و کشمیر میں دہشتگرد حملے کے بعد غم و غصہ محسوس کیا جا رہا ہے اور طنز بھی کیا جا رہا ہے،دہشتگردی کی وجہ سے نہ صرف پاکستان کی ساکھ خراب ہوئی بلکہ اس کے زرمبادلہ کے ذخائر بھی تیزی سے گرتے جا رہے ہیں۔