شاہ محمود قریشی سے پولیس ٹیم کی اڈیالہ جیل میں دو گھنٹے سے زائد وقت تک تفتیش

اڈیالہ جیل میں قید پی ٹی آئی کے وائس چیئرمین اور سابق وزیر خارجہ شاہ محمود قریشی سے لاہور پولیس کی جوائنٹ انویسٹی گیشن ٹیم ( جے آئی ٹی) نے لاہور میں درج سانحہ 9 مئی سے متعلق مقدمات کی تفتیش کا دوسرا دور مکمل کر لیا۔
جوائنٹ انوسٹی گیشن ٹیم تفتیش کا دوسرا دور مکمل ہونے پر اڈیالہ جیل سے واپس لاہور روانہ ہو گئی ،ذرائع کے مطابق 8رکنی جے آئی ٹی نے سوا 2 گھنٹے تک سابق وزیر خارجہ سے مختلف سوالات کئے۔

جے آئی ٹی،ڈی ایس پی عثمان کی سربراہی میں آج دوپہر سوا بارہ بجے اڈیالہ جیل پہنچی تھی،ذرائع کا کہنا ہے کہ 8رکنی جے آئی ٹی نے سوا 2 گھنٹے تک سابق وزیر خارجہ سے مختلف سوالات کئے۔

ذرائع کا کہنا ہے کہ شاہ محمود قریشی سے پوچھے گئے سوالات پہلے تفتیشی دور کے تسلسل میں پوچھے گئے،جے ائی ٹی میں انسپکٹرز عالم،ولید،مالک،محمد ارحم شام تھے۔
اے ایس ائی ایوب،شاہد اور اہلکار اظہر بھی جوائنٹ انوسٹی گیشن ٹیم میں شامل تھے۔