وزیراعظم نے بینک کے کیش نکلوانے پر ودہولڈنگ ٹیکس بڑھانے کی تجویز مسترد کردی

وزیراعظم نے بینکوں سے کیش نکلوانے پر ٹیکس بڑھانے کی تجویز مسترد کر دی، ذرائع کے مطابق ایف بی ار نے نان فائلزر کے لیے 50 ہزار روپے سے زائد رقم نکلوانے پر ٹیکس صفر اعشاریہ چھ فیصد سے صفر اعشاریہ 9فیصد کرنے کی تجویز دی تھی ۔

ذرائع کا کہنا ہے کہ ایف بی ار نے نان فائلرز سے 20 ارب روپے جمع کرنے کا پلان تیار کیا تھا،رواں مالی سال میں نان فائلرز پر بینکوں سے 50 ہزار سے زائد رقم نکلوانے پر 6۔0 فیصد ودہولڈنگ ٹیکس عائد ہے،ایف بی ار حکام نے ودہولڈنگ ٹیکس سے متعلق وزیراعظم کی ہدایات آئی ایم ایف حکام کو بھجوا دی۔

ذرائع کے مطابق وزیراعظم بجٹ سے قبل آئی ایم ایف حکام سے ٹیکس تجاویز پر بات چیت بھی کریں گے۔