سپریم کورٹ نے 39 ارکان اسمبلی کو پی ٹی آئی کے ارکان قرار دے دیا، تحریری فیصلہ جاری

سپریم کورٹ نے مخصوص نشستوں کا تحریری فیصلہ جاری کردیا،سپریم کورٹ کا مختصر فیصلہ 17 صفحات پر مشتمل ہے،فیصلے میں جسٹس جمال مندوخیل، جسٹس امین الدین،جسٹس یحییٰ آفریدی، جسٹس نعیم اختر افغان کے اختلافی نوٹ بھی شامل ہیں۔
فیصلے میں تحریک انصاف کے قرار دیئے گئے 39 ارکان اسمبلی کی فہرست بھی شامل ہے،تحریک انصاف کے 39 ارکان امجد علی خان، سلیم رحمان اور سہیل سلطان،بشیر خان، جنید اکبر، اسد قیصر اور شہرام ترکئی،انور تاج، فضل محمد خان، ارباب عامر ایوب اور شاندانہ گلزار،اسامہ میلہ، شفقت اعوان اور علی افضل ساہی شامل ہیں۔

خرم شہزاد ورک، لطیف کھوسہ، رائے حسن نواز،عامر ڈوگر، زین قریشی، رانا فراز نون، صابر قریشی،اویس حیدر جھکڑ اور زرتاج گل کو بھی تحریک انصاف کا رکن قومی اسمبلی قرار دیا گیا ہے۔