لاہور میں نامعلوم افراد کی فائرنگ سے پی ٹی آئی رہنما ڈاکٹر شاہد صدیق قتل

لاہور میں تھانہ کاہنہ کی حدود میں فائرنگ کے نتیجے میں پی ٹی آئی رہنما ڈاکٹر شاہد صدیق جاں بحق ہوگئے ۔۔پولیس کے مطابق ڈاکٹر شاہد نماز جمعہ کی ادائیگی کے لیے جا رہے تھے۔نامعلوم افراد نے فائرنگ کرکے قتل کردیا۔

لاہور کے علاقے ویلنشیا ٹاؤن لاہور میں نجی ہسپتال کے مالک ڈاکٹر شاہد صدیق کے قتل کا آئی جی پنجاب ڈاکٹر عثمان انور نے نوٹس لے لیا، ڈی آئی جی آپریشنز لاہور سے رپورٹ طلب کر لی ،آئی جی پنجاب نے فائرنگ میں ملوث ملزمان کی فوری گرفتاری کا حکم دیا۔

ڈی آئی جی آپریشنز محمد فیصل کامران نے جائے وقوعہ کا جائزہ لیا،فرائنزک ٹیمیوں نے موقع سے شواہد اکھٹے کیے۔

ڈی آئی جی آپریشنز کا کہنا ہے کہ ملزمان کی گرفتاری کیلئے سیف سٹی کیمروں سے مدد لی جا رہی ہے۔ملزموں کی گرفتاری کیلئے سی سی ٹی وی کیمروں سے بھی مدد لی جا رہی ہے۔