گھر، گاڑی کے مالک کے لیے انکم ٹیکس گوشوارہ جمع کرانا لازمی ورنہ قانونی کارروائی ہوگی، ایف بی آر

ایف بی آر نے انکم ٹیکس گوشوارے جمع کروانے کی تاریخ کا اعلان کردیا۔ انکم ٹیکس گوشوارے جمع کرانے کی آخری تاریخ 30 ستمبر مقرر ہے۔

ایف بی آر کا کہنا ہے کہ ٹیکس گوشوارے جمع کرانے کی تاریخ میں توسیع کا ابھی کوئی فیصلہ نہیں ہوا۔گوشوارے داخل نہ کرانے کی صورت میں قانونی کارروائی کا سامنا کرنا پڑے گا۔

ایف بی آر کے مطابق ڈیفالٹ کی صورت میں واجب الادا ٹیکس کے 0.1 فیصد یومیہ جرمانہ ہوگا،فرد پر کم از کم جرمانہ ایک ہزار، دیگر کیٹگریز کیلئے 50 ہزار روپے ہے۔

ایف بی آر کا کہنا ہے کہ بیرون ملک سفر،بینک بیلنس، پراپرٹی، گھر یا گاڑی رکھنے والوں کو گوشوارے جمع کرانے لازم ہے،تاجر دوست اسکیم میں رجسٹریشن نہ ہونے والوں کیخلاف کاروائی ہوگی۔غیر رجسٹرڈ دکان پہلے ڈیفالٹ پر 7 دن اور پھر 20 دن کیلئے سیل کی جائے گی۔

دکاندار کو پہلے ڈیفالٹ پر 5 کروڑ روپے جرمانہ ہوگا،پھر ہر ڈیفالٹ پر 20 کروڑ روپے جرمانہ ہوگا۔