وادی تیراہ میں فتنہ خوارج کے خلاف آپریشن جاری، 25 دہشتگرد مارے گئے، ویڈیو اور تصاویر سامنے آ گئیں

پاک فوج نے ضلع تیراہ میں فتنۃ الخوارج کے خلاف 20 اگست سے جاری انٹیلی جینس بیسڈ آپریشنز شروع کر رکھا ہے، اس آپریشن میں جہنم واصل ہونے والے دہشت گردوں کی ویڈیو اور تصاویر منظرِ عام پر آ گئیں۔ سکیورٹی ذرائع کے مطابق فورسز کے جاری آپریشنز میں اب تک 25خوارج جہنم واصل ہو چکے ہیں جبکہ 11 دہشت گرد زخمی ہوئے۔

ویڈیو میں افغانستان سے دراندازی کرنے والے خوارج کو جہنم واصل ہوتے دیکھا جا سکتا ہے۔
سیکورٹی فورسز کے آپریشنز میں اب تک 25خوارج جہنم واصل ہو چکے ہیں جبکہ 11 دہشت گرد زخمی بھی ہوئے۔
جہنم واصل ہونے والے دہشت گردوں میں خارجی سرغنہ ابوذر عرف صدام بھی شامل ہے۔
سیکورٹی ذرائع کا کہنا ہے کہ شدید خوف و ہراس میں خوارج اپنی لاشیں چھوڑ کر بھاگ گئے۔
انٹیلی جینس بیسڈ آپریشنز کے نتیجے میں خوارج بھاری نقصان اٹھانے کے بعد بوکھلاہٹ کا شکار ہیں۔پاک فوج فتنۃ الخوارج کے مکمل خاتمے تک آپریشن جاری رکھے گی۔