کیر تھر کینال میں بلائنڈ ڈولفن کو نامعلوم افراد نے فائرنگ سے ہلاک کردیا

سکھر کيرتھر کينال دریائے سندھ سے راستہ بھٹک کر گیننگ ريگيوليٹر سے بلوچستان کی حدود میں داخل ہوجانے والی انڈس ڈالفن کو نامعلوم مسلح افراد نے گولیاں مار کر ہلاک کردیا.

کنزرویٹر سندھ وائلڈ لائف جاوید مہر کے مطابق راستہ بھٹک کر بلوچستان میں داخل ہونے والی اندھی ڈولفن کو گولیاں مارنے کا افسوسناک واقعہ پیش آیا ہے،سندھ وائلڈ لائف ریسکیو ٹیم کو ایریگیشن عملے نے اس وقت اطلاع دی جب ان کو گولیاں لگی مردہ ڈولفن ہاتھ لگی۔

وقوعہ کے بارے میں مزید تفتیش کی جارہی ہے،بلوچستان وائلڈ لائف ڈپارٹمنٹ سے رابطے میں ہیں،ماری جانے والی انڈس ڈالفن کی عمر 16 سے 20 ماہ کے درمیان تھی۔

واضح رہے کہ گینگ ریگولیٹرز بلوچستان کی حدود میں نہری پانی کو کیرتھر کینال سے لے جاتا ہے، کھیرتھر کینال سکھر بیراج سےنکلنے والی نہر ہے۔