تازہ ترین
ضلع کرم میں سکیورٹی فورسز کی گاڑی پر بم حملہ، 5 اہلکار شہید
![](https://urduchronicle.com/wp-content/uploads/2024/06/a-bomb-attack-on-a-vehicle-of-security-forces-in-kurram-district-5-personnel-were-martyred.jpg)
ضلع کرم کے علاقے سدا میں سکیورٹی فورسز کی گاڑی آئی ای ڈی سے ٹکرا گئی،دھماکا خیز مواد پھٹنے سے 5 سکیورٹی اہلکار شہید ہوگئے۔
پاک فوج کے شعبہ تعلقات عامہ ( آئی ایس پی آر) کے مطابق دھماکے سے شہید ہونے والوں میں حوالدار عقیل احمد (عمر: 33 سال، ساکن ضلع اوکاڑہ)، لانس نائیک محمد طفیر (عمر: 30 سال، رہائشی ضلع پونچھ)، سپاہی انوش رفون (عمر: 24 سال، ساکن ڈسٹرکٹ اٹک)، سپاہی محمد اعظم خان۔ (عمر: 26 سال، رہائشی ضلع ہری پور) اور سپاہی ہارون ولیم (عمر: 29 سال، رہائشی اسلام آباد کیپٹل ٹیریٹری) شامل ہیں۔
آئی ایس پی آر کے مطابق علاقے میں موجود دہشت گردوں کے خاتمے کے لیے کلیئرنس آپریشن جاری ہے،سکیورٹی فورسز دہشت گردی کے خاتمے کے لیے پرعزم ہیں،بہادر جوانوں کی قربانیاں ہمارے عزم کو مزید تقویت دیتی ہیں۔
صدر مملکت آصف علی زرداری نے ضلع کرم میں آئی ای ڈی دھماکے کی شدید مذمت کی ہے اور شہید ہونیوالے جوانوں کو خراج عقیدت پیش کیا ہے،صدر مملکت نے شہدا کے جذبہ حب الوطنی اور فرض شناسی کو سراہا،صدر مملکت کی دہشت گردی کے خاتمے کیلئے سکیورٹی فورسز کے کردار کی تعریف کی، صدر نے کہا کہ دہشت گردی کے خاتمے کیلئے سکیورٹی اداروں کی کارروائیاں جاری رہیں گی۔
وفاقی وزیرداخلہ محسن نقوی نے بھی سکیورٹی فورسز کی گاڑی پر دھماکے کی شدیدمذمت کی اور شہدا کی قربانیوں کو خراج عقیدت پیش کیا۔
وزیرداخلہ محسن نقوی نے شہدا کے لواحقین سے دلی ہمدردی و اظہار تعزیت کیا اور کہا کہ شہدا کی عظیم قربانیوں کو ہمیشہ یاد رکھا جائے گا،شہید ہونے والے اہلکاروں نے اپنا آج قوم کے مستقبل پر قربان کیا،سکیورٹی فورسز کی لازوال قربانیوں کی مثال تاریخ میں نہیں ملتی،قوم دہشت گردی کے ناسور کے مکمل خاتمے کیلئے پر عزم ہے۔
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
ٹاپ سٹوریز1 سال ago
ابن خلدون، عمرانیات سمیت کئی علوم کا بانی، اصلی ’فادر آف اکنامکس‘