لاہور کے علاقے اچھرہ میں گھر میں آتشزدگی، 4 کمسن بہن بھائی جاں بحق

اچھرہ میں واقع گھر میں آتشزدگی سے چار سگے بہن بھائی جھلس کر جاں بحق ہو گئے۔

لاہور کے علاقے چوک بابا اعظم اچھرہ میں گھرمیں آگ بھڑک اٹھی، جس کے نتیجے میں 4 بچے جاں بحق ہوگئے۔

واقعے کی اطلاع ملتے ہی ریسکیو اور پولیس کی ٹیمیں وقوعہ پر پہنچ گئیں اور آپریشن کے ذریعے آگ پر قابو پایا۔

ریسکیو حکام کے مطابق آگ میں جھلسنے سے 4 بچے جاں بحق ہوئے، جن کی شناخت 12 سالہ ایمان، 8 سالہ نور، 5 سالہ ابراہیم اور 2 سالہ اسماعیل کے نام سے ہوئی ہے۔

نگراں وزیر اعلی پنجاب محسن نقوی نے واقعے پر گہرے دکھ اور افسوس کا اظہار کرتے ہوئے جاں بحق بچوں کے لواحقین سے اظہار تعزیت کی ہے۔

وزیر اعلی محسن نقوی نے افسوسناک واقعہ کی رپورٹ طلب کر لی اور آتشزدگی کے واقعے کی تحقیقات کا حکم دے دیا۔

محسن نقوی کا کہنا تھ اکہ دکھ کی گھڑی میں سوگوار خاندان سے دلی ہمدردی ہے، سوگوار خاندان کے غم میں برابر کے شریک ہیں۔