بیرون ملک سفر کے لیے کسی بیماری کی صورت میں مسافر کا پرسنل ہیلتھ ڈیکلریشن فارم لازمی ہوگا

بین الاقوامی ہیلتھ ریگولیشن 2015 کے نکات پر عملدرآمد یقینی بنانے کے لیئے ملک کے تمام بین الاقوامی ہوائی اڈوں کی انتظامیہ کے ساتھ بارڈرہیلتھ سروسز کا  اہم اجلاس منعقد کیاگیا۔

بارڈرہیلتھ سروسزکےاجلاس میں اس بات کی ہدایت دی گئی کہ ہوائی اڈے پرجہاز کی روانگی سے پہلے پائلٹ سے دستخط شدہ ڈی انفکیشن سرٹیفکیٹ محکمہ صحت کے متعلقہ اہلکارکو جمع کرایاجائے،کسی بیماری کی صورت میں مسافر کی پرسنل ہیلتھ ڈیکلریشن فارم بھی جمع کرانا لازمی ہوگا۔

جہازکی آمد پرائیر لائن اس بات کو یقینی بنائے گی کہ فضلےکو مناسب طریقے سے ٹھکانے لگایا گیا ہے،اجلاس میں ایئرلائن کے حکام کو مشورہ دیا گیا کہ وہ ائیرپورٹ ہیلتھ آفیسر/اسسٹنٹ ائیرپورٹ ہیلتھ آفیسر کے اچانک دورے کی سہولت فراہم کریں،ہیلتھ آفیسرکو بین الاقوامی/گھریلو پروازوں پرروانگی کے وقت ہوائی جہازکی خوراک،حفظان صحت اورسینیٹری کی صورتحال کا معائنہ کرنے کے مجاز ہونگے،۔

 اجلاس میں تمام ائیرلائنزکومشورہ دیا گیا کہ وہ میڈیکل سرٹیفیکیشن جاری کرنے کے لیے براہ راست درخواست بھیجیں،اجلاس میں تمام ائیرلائنز کو صحت کے مسائل سے متعلق ایئر کرافٹ ہیلتھ پالیسی شیئر کرنے کا مشورہ دیا گیا۔

اجلاس میں بے دخل کیئے جانے والے مسافروں کا ڈیٹا بارڈر ہیلتھ کے ساتھ شیئر کرنے کی ہدایت جاری کی گئیں، تمام ایئر لائنز کو ہدایت کی جاتی ہے کہ وہ روانگی کے وقت ایئرپورٹ ہیلتھ انسپکشن آفس میں جنرل ڈیکلریشن جمع کرائیں۔

جنرل ڈیکلریشن کی تمام متعلقہ کاپی سے دستخط اور مہر کے بعد ایئرپورٹ ہیلتھ ڈیپارٹمنٹ، بارڈر ہیلتھ سروسز-پاکستان کو فراہم کرنا ضروری ہے۔

اجلاس میں کہا گیا کہ ایڈوانس پسنجرانفارمیشن کے بارے میں غوروخوض کی منصوبہ بندی کی جائےگی،جیسا کہ ائیرلائن اسٹیشن مینیجرز کی تجویزہے،تمام ائیرلائنزکو ہدایت دی گئی ہے کہ 15دنوں کے اندرنکات پرعمل درآمد کرنے کویقینی بنائیں۔