پرویز الٰہی اور مونس الٰہی کے خلاف ترقیاتی منصوبوں میں کک بیکس لینے کا ریفرنس احتساب عدالت میں دائر

قومی احتساب بیورو ( نیب) نے چودھری پرویز الٰہی ، ان کے بیٹے مون الٰہی سمیت دیگر 14 شریک ملزموں کے خلاف لاہور کی  احتساب عدالت میں ریفرنس دائرکردیا۔۔نیب نے ترقیاتی منصوبوں میں کک بیکس لینے کے الزام میں ریفرنس دائر  کیا ہے۔۔

ترقیاتی منصوبوں میں کک بیکس لینے کے الزام میں تفتیش مکمل کرنے کے بعدایک ارب 23کروڑ کا ریفرنس احتساب عدالت میں دائر کیا گیا ہے۔۔

ریفرنس میں الزام لگایا گیا ہے کہ سابق وزیر اعلی پنجاب پرویز الٰہی نے گجرات میں 116 ترقیاتی منصوبوں کی منظوری دی اور من پسند افراد کو رشوت کے عوض ٹھیکے دیئے ، اس طرح قومی خزانے کو نقصان پہنچایا گیا۔۔

نیب ریفرنس کے مطابق پرویز الہی نے سب سے زیادہ 74 کروڑ  45 لاکھ روپے  کک بیکس کی مد میں وصول کیے۔جبکہ  مونس الہی کے اکاونٹنٹ نے کک بیکس کی رقم انکی فیملی کے اکاونٹس میں جمع کرائی۔۔

 ریفرنس میں یہ بھی الزام لگایا گیا کہ مونس الہی نے اپنے والد کی وزارت اعلیٰ کے دوران 10لاکھ 61 ہزار یورو  اپنے غیر ملکی اکاونٹ میں جمع کرائے جبکہ  ان کی فیملی نے  304 ملین سے زائد رقم اپنے ذاتی اکاونٹس میں جمع کرائی۔

ریفرنس میں نیب نے استدعا کی ہے کہ پرویز الٰہی  اورمونس الٰہی سمیت دیگر ملزم قومی خزانے کو نقصان پہنچانے  کے مرتکب پائے گئے اس لیے  انھیں سزا سنائی جائے۔