پولیس اہلکار کو تھپڑ مارنے پر فردوس عاشق اعوان سے تحریری جواب طلب

فردوس عاشق اعوان نے معافی مانگ لی ،الیکشن کمیشن نے پولیس اہلکاروکوتھپڑمارنے پرفردوس عاشق اعوان سے تحریری جواب طلب کرلیا ، کمیشن نے پوچھا اگرکوئی بات نہیں سن رہا تو تھپڑ ماریں گی ؟ فردوس عاشق اعوان بولیں میں نے تھپڑ نہیں مارا۔

ممبرکے پی اکرم اللہ  کی سربراہی میں دو رکنی کمیشن نےپولیس اہلکارکوتھپڑمارنے کے کیس کی سماعت کی، فردوس عاشق اعوان نے الیکشن کمیشن سے معافی مانگ مانگتے ہوئےموقف اپنایاکہ جب ووٹ کاسٹ کرنے گئی تواہلکارٹھپےلگارہاتھا پریزائڈنگ آفیسرسےشکایات کی تواس نےکہا یہ میرے بھی نہیں سن رہے۔

ممبر پنجاب نے پوچھا کہ اگرکوئی بات نہیں سن رہا توآپ تھپڑماریں گی؟،فردوس عاشق اعوان بولیں کہ نہیں میں نے تھپڑ نہیں مارا۔

ممبر الیکشن کمیشن نے فردوس عاشق اعوان کی ویڈیوچلانے کی ہدایت کی تو فردوس عاشق اعوان نے کہا آپ ساتھ میں میری دی ہوئی وڈیوبھی چلا دیں۔

 ممبر الیکشن کمیشن نے کہاکہ اگرآپ کی کوئی شکایات تھیں تودرج کراتیں ،پولیس حکام نے کہاکہ متعلقہ پولنگ اسٹیشنزکے علاوہ تمام پولنگ اسٹشنرزپرپرامن پولنگ ہوئی الیکشن کمیشن نے فردوس عاشق سے15فروری تک تحریری جواب طلب کرلیا ۔۔