عابد باکسر کو جوڈیشل ریمانڈ پر جیل بھجوا دیا گیا

بھتہ خور اشتہاریوں کو پناہ دینے ٫ پولیس سے سرکاری کلاشنکوف چھیننے اور  پولیس حراست سے بھاگنے کے کیس میں عدالت نے سابق انسپکٹر عابد باکسر کو چودہ روزہ جوڈیشل ریمانڈ پر جیل بھجوا دیا ۔ عدالت نے مزید جسمانی ریمانڈ کی استدعا مسترد کر دی ۔۔

 انسداد دھشت گردی  عدالت کی ایڈمن جج عبہر گل خان نے سماعت کی ۔ عابد باکسر کو جسمانی ریمانڈ مکمل ہونے پر عدالت میں ہیش کیا گیا۔

پولیس نے عابد باکسر کے مزید جسمانی ریمانڈ کی استدعا کی، تفتیشی افسر نے کہا کہ ملزم سے پولیس سے  چھینی گئی سرکاری کلاشنکوف برآمد کرنی ہے۔

عدالت نے استفسار کیا کہ پہلے سات دن کا جسمانی ریمانڈ دیا تھا  اس دوران  آپ نے کیوں برآمد نہیں کی،اگر آپ نے برآمد کرنی ہوتی تو ایک دن میں ہو جاتی۔

ملزم کے وکلا نے کہا کہ ملزم کے پاس کوئی کلاشنکوف نہیں ہے جھوٹ مقدمہ بنایا گیا ملزم پر تشدد بھی کیا گیا۔

عابد باکسر پر بھتہ خور اشتہاریوں کو پناہ دینے ٫ پولیس سے سرکاری کلاشنکوف چھیننے اور  پولیس حراست سے بھگانے کا الزام ہے۔ تفتیشی افسر کے مطابق عابد باکسر کو حراست سے فراز ہونے کے بعد  قصور سے دوبارہ گرفتار کیا گیا۔

تھانہ فیصل ٹاؤن نے عابد باکسر اور دیگر کیخلاف مقدمہ درج کر رکھا ہے