ایچیسن کالج کے پرنسپل مائیکل تھامسن کا استعفیٰ منظور، آمنہ کامران کو چارج مل گیا

ایچی سن کالج پرنسپل کا چند دنوں قبل دیا جانے والا استعفیٰ منظور کر لیا گیا استعفیٰ گونر پنجاب کی جانب سے منظور کیا گیا ہے۔

مائیکل تھامسن کے استعفٰی کی منظوری کے بعد وہ بیرون ملک روانہ ہوگئے ہیں جبکہ مائیکل تھامسن کی جگہ آمنہ کامران کو ایچی سن کالج کی قائم مقام پرنسپل تعینات کر دیا گیا ہے۔

دوسری جانب ایچی سن کالج کے بورڈ نے جونیئر، پریپ کے بچوں کی 50 فیصد تک فیس معافی کی منظوری دی ہے، حافظ قرآن کی پچاس فیصد فیس معافی بھی منظور کر لی گئی جبکہ بورڈ نے سینئر اسکول کے بچوں کی فیس معافی کی پالیسی کو یکسر مسترد کر دیا ہے۔

واضح رہے کہ ایچی سن کے سابق پرنسپل اے تھامسن نے وفاقی وزیر کے بچوں کی فیس معافی معاملے پر حکومتی دباؤ نہ مانتے ہوئے استعفیٰ دیا تھا، وفاقی وزیر احد چیمہ کے بچوں کی فیس معافی کے معاملے پر اختلافات کا آغاز ہوا تھا۔