لندن میں سابق مشیر احتساب شہزاد اکبر پر تیزاب پھینک دیا گیا

پاکستان تحریک انصاف کے دورِ حکومت میں وزیرِ اعظم عمران خان کے معاون خصوصی برائے احتساب شہزاد اکبر پر لندن میں تیزاب پھینک دیا گیا۔

سماجی رابطے کی ویب سائٹ ایکس (سابق ٹوئٹر) پر پیغام جاری کرتے ہوئے شہزاد اکبر نے بتایا کہ اتوار کے دن ڈیلیوری بوائے نے تیزاب پھینکا، حملہ آور نے ہیلمٹ پہنا ہوا تھا۔

🚨Last evening I was attacked at my address in England (where I am living in exile with my family) by unknown assailant/s who threw acidic liquid at me. Thankfully my wife and children are safe, however I got some injuries but nothing life-threatening. Police and emergency…

— Mirza Shahzad Akbar (@ShazadAkbar) November 27, 2023

شہزاد اکبر کا کہنا ہے کہ حملہ انگلینڈ میں میری رہائش گاہ پر کیا گیا جہاں میں جلاوطنی کی زندگی گزار رہا ہوں، میری اہلیہ اور بچوں کو نقصان نہیں پہنچا، میں زخمی ہوا ہوں۔

انہوں نے کہا کہ میری حالت خطرے سے باہر ہے، پولیس اور ایمرجنسی سروسز بروقت پہنچ گئی تھیں۔ان کا کہنا ہے کہ میں ان حملوں سے نہیں گھبراؤں گا۔