کچے کے ڈاکوؤں کے خلاف رینجرز کی کارروائیاں، گھوٹکی سے 5 ملزم گرفتار

سندھ  رینجرز نے  کچے کے علاقے میں ڈکیتوں کے خلاف کاروائیاں  کرتے ہوئے  ضلع گھوٹکی  سے ڈکیتی،اغواء برائے تاوان ، قتل ، سہولتکاری اورمختلف جرائم میں ملوث 5 ملزم گرفتارکرلیے،ملزموں کے قبضے سے مختلف نوعیت کا اسلحہ و ایمونیشن، بلٹ پروف جیکٹ اورٹیلی سکوپ بھی برآمد  ہوئی ہے۔

ترجمان رینجرز کے مطابق پاکستان رینجرز (سندھ) کی سندھ کچے کے علاقے میں ڈکیتوںکے خلاف کاروائیاں جاری ہیں، سندھ ضلع گھوٹکی تحصیل اوباڑوکے علاقے گوٹھ میر کوش میں  کارروائی 5 ملزمان گرفتار کر لیے گئے۔

ترجمان کے مطابق ملزمان ڈکیتی،اغواء برائے تاوان ، قتل ، سہولتکاری اورمختلف جرائم میں ملوث ہیں،ملزمان  کی شناخت محمد حسن کوش، حاجی امداد علی، نواب علی عرف نوابی،محمد عمراور فلک شیر کے ناموں سے کی گئی۔

رینجرز ترجمان کے مطابق ملزمان کے قبضے سے مختلف نوعیت کا اسلحہ و ایمونیشن، بلٹ پروف جیکٹ اورٹیلی سکوپ بھی برآمد ہوئی، گرفتارملزمان کے خلاف مختلف تھانوں میں 9سے زائد ایف آئی آرز درج ہیں۔ گرفتارملزمان کو قانونی کاروائی کے لیے پولیس کے حوالے کر دیا گیا ہے۔